Rossiya

Italiyaning “Eni” kompaniyasi bank hisobini rublda ochishga tayyor

© Sputnik / Aleksey Vitvitskiy / Fotobankka oʻtishNeftegazovыe predpriyatiya Strasburga
Neftegazovыe predpriyatiya Strasburga - Sputnik Oʻzbekiston, 1920, 17.05.2022
Obuna boʻlish
Yandex newsTelegram
“Bloomberg” yozishiga koʻra, bu Yevropaning Moskvaga qarshi birlashgan jabhasi parchalanib borayotganining soʻnggi belgisidir.
TOSHKENT, 16 may - Sputnik. Italiya energetika kompaniyasi “Eni” Rossiya talablarini bajargan holda “Gazprombank”da rublda hisob raqam ochishga tayyorlanmoqda. Bu hada “Bloomberg” kompaniyaga yaqin manbalarga tayanib, xabar berdi.
Agentlik suhbatdoshining fikricha, kompaniya joriy oydagi zarur toʻlovlarni oʻz vaqtida amalga oshirish va gaz taʼminoti uchun har qanday xavf-xatarni oldini olish maqsadida “Gazprombank”da hisobvaraq ochish jarayonini 18 maydan boshlaydi.
“Bu Yevropaning Moskvaga qarshi birlashgan jabhasi parchalanib borayotganining soʻnggi belgisidir”, deyiladi xabarda. Rubl hisobvaraqlarini ochish “Eni” tomonidan ehtiyot chorasi hisoblanadi. Ushbu harakat kompaniyaga Rossiyaning gaz uchun toʻlovni rublda toʻlash talabini bajarishga imkon beradi.
Biroq, kompaniya vakili mish-mishlarga izoh berishdan bosh tortdi va firma ikkita hisob raqam ochish niyatida ekanligini inkor qildi.
Avvalroq, “Bloomberg” manbalarga tayanib, Rossiya gazi uchun toʻlovlar yevrodan rublga oʻtkazilgan taqdirda “Eni” may oyida toʻlovni amalga oshirish niyatida ekanligini yozgan edi.
“Eni” 66 mamlakatda faoliyat yurituvchi va 32 000 ga yaqin odamni ish bilan taʼminlagan energiya kompaniyasi. Neft va gazni qidirish, oʻzlashtirish hamda qazib olish bilan shugʻullanadi.
“Bloomberg” maʼlumotlariga koʻra, bugungi kunda kamida 20 ta yevropalik xaridor “Gazprombank”da rublda hisob raqamlar ochgan va yana 14 nafari buning uchun zarur hujjatlar toʻplayapti.
Eslatib oʻtamiz, 31 mart kuni Rossiya prezidenti Vladimir Putin doʻst boʻlmagan davlatlar bilan gaz savdosi qoidalari toʻgʻrisidagi farmonni imzolaganini maʼlum qildi. Unga koʻra, bu kabi davlatlar Rossiya banklarida rublda hisob ochishi kerak. Agar doʻst boʻlmagan mamlakatlardan kelgan xaridorlar yangi toʻlov shartlarini bajarmasa, amaldagi gaz yetkazib berish shartnomalari toʻxtatiladi.
Hozirgi vaqtda Rossiya isteʼmol qilinadigan gazning qariyb 40 foizini Yevropaga eyetkazib beradi va uning eng yirik eksportchisi hisoblanadi.
Yangiliklar lentasi
0