Jamiyat

Mastlarga tibbiy yordam koʻrsatish punktlari tashkil etiladi

© Sputnik / Viktoriya Viatris / Fotobankka oʻtishSotrudniki skoroy pomoщi, illyustrativnoye foto
Sotrudniki skoroy pomoщi, illyustrativnoye foto - Sputnik Oʻzbekiston, 1920, 17.05.2022
Obuna boʻlish
Yandex newsTelegram
Viloyatlar va Toshkent shahrida kamida 10 oʻrinli mastlik holatida boʻlgan shaxslarga tibbiy yordam koʻrsatish tumanlararo punktlari tashkil etiladi.
TOSHKENT, 17 may — Sputnik. Endi mastlik holatida boʻlgan shaxslarga tibbiy yordam koʻrsatish punktlari tashkil etiladi. Bu haqda prezident Shavkat Mirziyoyev imzolagan qarorda keltirilgan.

Unga koʻra, Qoraqalpogʻiston Respublikasi, viloyatlar hamda Toshkent shahrining tuman (shahar) tibbiyot birlashmalari tarkibida kamida 10 oʻrinli mastlik holatida boʻlgan shaxslarga tibbiy yordam koʻrsatish tumanlararo punktlari tashkil etiladi.

Qarorga muvofiq 2022 yilda 114 ta, 2023–2024 yillarda yana 20 ta ana shunday punktlar tashkil etiladi.
Bundan tashqari, ichki ishlar organlariga oʻz tashabbusiga koʻra narkologik kasalliklarga chalingan shaxslarni majburiy davolashga yuborish yuzasidan hujjatlarni tayyorlash va rasmiylashtirish huquqi berildi.

2023 yil 1 yanvardan:

narkologik kasalliklarga chalingan shaxslarni majburiy davolashga yuborish boʻyicha barcha tibbiy tekshiruvlar narkologiya dispanserlarining oʻzida, zarur hollarda boshqa muassasalarda amalga oshiriladi;
narkologiya dispanserlaridagi mavjud koykalar haqidagi maʼlumotlarni real vaqt rejimida olish imkoniyati yaratiladi.
Narkologik kasalliklarga chalingan shaxslarni majburiy davolashga yuborish toʻgʻrisidagi ishlarni elektron tarzda sudlarga yuborish va sudlar tomonidan ularni videokonferentsaloqa rejimida koʻrib chiqish mumkin.
2023 yil 1 yanvardan Respublika ixtisoslashtirilgan narkologiya ilmiy-amaliy tibbiyot markazi va uning hududiy filiallarining ambulator va statsionar boʻlimlarida tibbiy psixolog yoki psixoterapevt lavozimlari joriy etiladi. Shuningdek, 2022 yil yakunigacha narkologik bemorlarni ixtiyoriy va majburiy davolash uchun narkologiya dispanserlarida qoʻshimcha 430 ta oʻrin tashkil etiladi.
Yangiliklar lentasi
0