Sport

Oʻzbekistonlik bokschi qizlar mamlakat boks tarixida yangi sahifa ochishdi

© Foto: NOKAziza Yakubova
Aziza Yakubova - Sputnik Oʻzbekiston, 1920, 17.05.2022
Obuna boʻlish
Yandex newsTelegram
Aziza Yoqubova va Mohira Abdullayeva boks boʻyicha ayollar oʻrtasidagi jahon chempionatining yarim finaliga olishdi.
TOSHKENT, 17 may — Sputnik. Turkiyada oʻtkazilayotgan boks boʻyicha ayollar oʻrtasidagi Jahon chempionatida ikki oʻzbekistonlik bokschi kamida bronza medalini naqd qilishdi. Bu haqda Milliy olimpiya qoʻmitasi matbuot xizmati xabar qilmoqda.
-50 kg vazn toifasida Oʻzbekiston sharafini himoya qilayotgan Aziza Yoqubova kattalar miqyosidagi dunyo birinchiligida shohsupaga koʻtariladigan ilk bokschi qiz sifatida tarixda qoladi.
Yoqubova chorak final bahsida italiyalik Jiordana Sorrentinoni magʻlubiyata uchratib, yarim finalga yoʻl oldi. Bu sportchi kamida bronza medalini naqd qilib qoʻyganini angladi.
Bundan tashqari, yana bir oʻzbekistonlik bokschi Mohira Abdullayeva +81 kg vazn toifasida chorak final jangini muvaffaqiyatli oʻtkazib, jamoa uchun muhim gʻalabani taqdim qildi. Abdullayeva muhim jangda kongolik raqibasidan ustun keldi.
Shu tariqa, ushbu Jahon chempionatida yarim final yoʻllanmasiga ega chiqqan oʻzbekistonlik bokschilar soni hozircha 2 nafarga yetgan.
Navbahor Hamidova esa (-66 kg) chorak finalda amaldagi jahon va Olimpiada chempioni turkiyalik Busenaz Surmeneli bilan roʻbaroʻ keldi va imkoniyatni boy berib qoʻydi.
Yangiliklar lentasi
0