O‘zbekistonlik taekvondochilar ilk bor katta tarkibda Gran-prida ishtirok etadi

© Press-slujba NOKSbornaya Uzbekistana po taekvondo zavoyevala pervoe mesto v Beirut Open
Sbornaya Uzbekistana po taekvondo zavoyevala pervoe mesto v Beirut Open - Sputnik O‘zbekiston, 1920, 17.05.2022
Obuna bo‘lish
Sakkiz nafar taekvondochi dunyoning eng sara sportchilari bilan raqobat qilishga tayyorlanmoqda.
TOShKENT, 17-may — Sputnik. Taekvondo bo‘yicha O‘zbekiston terma jamoasi ilk bor katta tarkibda dunyoning eng sara taekvondochilari bilan raqobat qilishga tayyorlanmoqda. Bu haqda Milliy olimpiya qo‘mitasi xabar berdi.
Ma’lum qilinishicha, tez orada taekvondo olamida Gran-pri seriyasiga kiruvchi nufuzli musobaqalar start oladi.
Bu mavsumdagi musobaqalar 3-5 iyun kunlari Rim, 2-4 sentabr sanasida Parij va 21-23 oktabrda Manchester shaharlarida o‘tkaziladi.
“O‘zbekiston taekvondo assotsiatsiyasi mutasaddilari, murabbiylar shtabi puxta tuzilgan reja asosida yil avvalida xalqaro musobaqalar orqali taekvondochilarimizga maksimal darajada reyting ochko ishlab olish imkoniyatini taqdim qilishdi”, - deyiladi xabarda.
O‘zbekistondan ilk bor sakkiz nafar taekvondochi turnir ishtirokchisiga aylanadi. Gran-pri musobaqalarida Ulug‘bek Rashitov, Niyaz Pulatov, Nikita Rafalovich, Shuhrat Salayev, Shohruh Rajabov, Charos Qayumova, Feruza Sodiqova va Svetlana Osipovalar qatnashishlari mumkin.
Ma’lumot uchun, ushbu turnirlarda Olimpiada reytingida yuqori o‘rinda joylashgan sportchilargina ishtirok etishi mumkin.
Yangiliklar lentasi
0