Jamiyat

Oʻzgidromet 9 ta viloyatda sel xavfini eʼlon qildi

© Sputnik / Konstantin Mihalchevskiy / Fotobankka oʻtishPodtopleniya v Yalte posle livney
Podtopleniya v Yalte posle livney - Sputnik Oʻzbekiston, 1920, 17.05.2022
Obuna boʻlish
Yandex newsTelegram
18-23 may kunlari kutilayotgan yomgʻirlar yogʻishi sababli Oʻzbekistonning 9 ta viloyatida sel kelish xavfi mavjud.
TOSHKENT, 17 may — Sputnik. 18-23 may kunlari Oʻzbekistonning togʻ oldi va togʻli hududlarida qisqa muddatli yomgʻir yogʻadi, momaqaldiroq paytida shamol 15-20 m/s gacha kuchayadi. Ayrim joylarda vaqti-vaqti bilan kuchli jala yomgʻirlar yogʻishi kutilmoqda, doʻl yogʻishi mumkin.
Gidrometerologiya xizmati markazi maʼlumotlariga koʻra, 18-23 may kunlari kutilayotgan yomgʻirlar yogʻishi sababli, respublikaning togʻ oldi va togʻli hududlarida, jumladan:
Qashqadaryo viloyati: Yakkabogʻ, Dehqonobod, Chiroqchi, Kitob, Shahrisabz, Qamashi, Gʻuzor tumanlarida;
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Shoʻrchi, Qumqoʻrgʻon, Muzrobot tumanlarida;
Samarqand viloyati: Urgut, Samarqand, Bulungʻur, Nurobod, Qoʻshrabod, Kattaqoʻrgʻon, Payariq, Jomboy, Ishtixon tumanlarida;
Navoiy viloyati: Xatirchi, Navbahor, Nurota, Konimex, Karmana tumanlarida;
Jizzax viloyati: Zomin, Baxmal, Gʻallaorol, Sharof Rashidov, Forish, Yangiobod tumanlarida;
Toshkent viloyati: Ohangaron, Boʻstonliq, Parkent, Piskent, Oʻrta Chirchiq, Yuqori-Chirchiq tumanlarida va Angren, Olmaliq shaharlarida;
Namangan viloyati: Pop, Kosonsoy, Chortoq, Chust, Namangan, Yangiqoʻrgʻon tumanlarida;
Fargʻona viloyati: Soʻx, Fargʻona, Beshariq tumanlarida;
Andijon viloyati: Andijon, Asaka, Jalalquduq, Qoʻrgʻontepa, Paxtaobod, Izboskan, Xoʻjaobod, Marxamat tumanlarida va Xonobod shahrida sel-suv toshqin hodisalari yuzaga kelishi mumkin.
“Togʻli va togʻoldi hududlarda istiqomat qiluvchi aholi, dam olish maskanlarida dam oluvchilar va ushbu hududlarda harakatlanuvchi haydovchilardan ehtiyotkorlik choralarini koʻrishni soʻraymiz”, - deyiladi xabarda.
Yangiliklar lentasi
0