Jamiyat

XTV “Soʻnggi qoʻngʻiroq”ni oʻtkazishga oid tavsiyalarni ishlab chiqdi

© Sputnik / Aleksey MalgavkoPosledniy zvonok
Posledniy zvonok  - Sputnik Oʻzbekiston, 1920, 17.05.2022
Obuna boʻlish
Yandex newsTelegram
Taʼkidlanishicha, “Soʻnggi qoʻngʻiroq” tadbirlari uchun turli xil pul yigʻimlari qatʼiyan taʼqiqlanadi
TOSHKENT, 17 may — Sputnik. Xalq taʼlimi vazirligi “Soʻnggi qoʻngʻiroq” tadbirlarini oʻtkazish boʻyicha tavsiyalar ishlab chiqib, barcha maktablarga yubordi.
25 may kuni barcha umumiy oʻrta taʼlim muassasalarida 2021-2022 oʻquv yili yakunlanib, “Soʻnggi qoʻngʻiroq” tadbirlari boʻlib oʻtadi.
Vazirlik tavsiyasiga koʻra, tadbirlar maktab hovlisi bogʻida yoki soya salqin ochiq maydonlarida oʻtkaziladi. Maktab hududiga begona shaxslarning kiritilmasligi nazoratga olinadi.
Maktablarda mazkur tadbir soat 8:00 dan 8:45 ga qadar, tavsiya etilgan stsenariy asosida tashkil etiladi. Unda yil davomida aʼlo baholarga oʻqib, eng yuqori reyting koʻrsatkichlariga erishgan iqtidorli bitiruvchilar taqdirlanib ragʻbatlantiriladi.
“Shu oʻrinda barchaga “Soʻnggi qoʻngʻiroq” tadbirlari, bosqichli nazorat imtihonlari va yakuniy davlat attestatsiyalarini oʻtkazishda, taʼlim muassasalarini yangi oʻquv yiliga tayyorlash borasida oʻquvchi va bitiruvchilar hamda ularning ota-onalaridan turli xil pul yigʻimlari qatʼiyan taʼqiqlanganligini eslatib oʻtamiz”, - deyilgan xabarda.
Bundan tashqari, umumiy oʻrta taʼlim muassasalari rahbarlari va oʻqituvchilarga bitiruvchilarning turli qimmatbaho sovgʻalar taqdim etishi, qoʻshimcha turli tantanali tadbirlarni (xonadonlar, restoran yoki qahvaxonalar va h.q.da banket yoki boshqa marosimlar) oʻtkazishi va yengil avtomashinalarda sayr tashkil etishini oldini olishga alohida eʼtibor qaratish soʻralgan.
Maktablarning “Kuzatuv kengashi” aʼzolariga yuqorida keltirib oʻtilgan tavsiyalarga amal qilinishi ustidan nazorat olib boradi.
Yangiliklar lentasi
0