Iqtisod

Andijonda gilos eksporti boshlandi

© Sputnik / Vitaliy Timkiv / Fotobankka oʻtishChereshnya
Chereshnya - Sputnik Oʻzbekiston, 1920, 18.05.2022
Obuna boʻlish
Yandex newsTelegram
Ushbu mavsumda oʻzbek gilosining asosiy xaridorlari Rossiya va qoʻshni Qirgʻiziston boʻldi.
TOSHKENT, 18 may — Sputnik. Oʻzbekistonning Andijon viloyatida gilos eksporti boshlandi. Bu haqda Bojxona qoʻmitasi matbuot xizmati xabar berdi.
Qayd etilishicha, joriy yilning 17 may holatiga koʻra, Andijon viloyatida jami 195 tonna, qiymati 136 ming dollarga teng gilos eksport qilingan.
“Ushbu mavsumda Rossiya va qoʻshni Qirgʻiziston oʻzbek gilosining asosiy xaridori ekanligini taʼkidlab oʻtish mumkin. Raqamlardan koʻrish mumkinki, eksport qilinayotgan oʻzbek gilosining eng katta qismi ushbu ikki mamlakat hissasiga toʻgʻri kelmoqda”, - deyiladi xabarda.
Ayni damda Andijon viloyatida roʻyxatdan oʻtgan eskportyorlar tomonidan gilos eksporti operatsiyalari davom etmoqda.
Maʼlumot uchun, Oʻzbekiston 2021 yilda 18 ta davlatga qiymati 84,8 mln dollarga teng boʻlgan 60,8 ming tonna gilos eksport qilgan. Shundan 24,7 ming tonnasini Rossiyaga yuborgan.
Oʻtgan yili Fargʻona viloyatidan eng koʻp gilos eksporti amalga oshirilgan. Fargʻona giloslarining asosiy xaridori Rossiya boʻlgan (23 mln).
Avvalroq Qashqadaryoda qovun pishgani va tez orada qovun eksporti boshlanishi haqida xabar bergan edik.
Yangiliklar lentasi
0