O‘zbekistonning eng ommabop muzeylari ma’lum bo‘ldi

© MyTashkentDom-muzey Fayzulli Xodjayeva v Buxare
Dom-muzey Fayzulli Xodjayeva v Buxare - Sputnik O‘zbekiston, 1920, 18.05.2022
Obuna bo‘lish
Samarqand, Buxoro, Toshkent, Xiva va Qoraqalpog‘iston Respublikasida joylashgan muzeylar eng ommabop muzeylar top 5 taligiga kirdi.
TOShKENT, 18-may — Sputnik. O‘zbekistondagi eng ommabop muzeylar top 5 taligida Samarqand davlat badiiy muzey qo‘riqxonasi birinchilikni qo‘lga kiritdi. Bu haqda Davlat statistika qo‘mitasi xabar berdi.
Eng ko‘p tashrif buyuruvchilarga ega bo‘lgan top 5 ta muzeylar:
1. Samarqand davlat badiiy muzey qo‘riqxonasi – 683,9 ming kishi
Muzey-qo‘riqxona 1982-yilda tashkil topgan. Uning tarkibiga 8 ta muzey, 6 ta tarixiy obida va 2 ta ziyoratgoh kiradi. Muzey-qo‘riqxona fondlarida 211 mingdan ortiq eksponatlar saqlanmoqda.
© Press-slujba prezidentaFreska v muzee "Afrosiab" v Samarkande
Freska v muzee Afrosiab v Samarkande - Sputnik O‘zbekiston, 1920, 18.05.2022
Freska v muzee "Afrosiab" v Samarkande
2. Buxoro davlat badiiy me’morchilik muzey qo‘riqxonasi – 399,4 ming kishi
Muzey 1922-yilda tashkil topgan. Muzey qo‘riqxona jamg‘armasi 63 mingdan ortiq. Umumiy maydoni 8320 kv. m teng. Muzey qo‘riqxonaning 94 zalida 28 ta mustaqil ekspozitsiya Buxoroning rivojlanish bosqichlari, jahon sivilizatsiyasi, ma’naviy madaniyati va diniy qadriyatlariga qo‘shgan hissasi va hozirgi kunda erishilgan muvaffaqiyatlaridan hikoya qiladi.
© varandejKompleks "Sitorai Moxi xossa" v Buxare i pavlini
Kompleks Sitorai Moxi xossa v Buxare i pavlini - Sputnik O‘zbekiston, 1920, 18.05.2022
Kompleks "Sitorai Moxi xossa" v Buxare i pavlini
3. Xivadagi "Ichan-Qala" majmuasi – 211,9 ming kishi
Arxeologik qazishmalar natijasiga ko‘ra, “Ichan qal’a” hududi eramizdan avvalgi V asrda paydo bo‘lgan. Ichan qal’a-O‘rta Osiyodagi yirik va noyob me’moriy yodgorlik hisoblanadi. Tarixiy qal’a ko‘plab me’moriy yodgorliklarni o‘z ichiga olgan. Unga 4 ta darvoza (Bog‘cha darvoza, Polvon darvoza, Tosh darvoza, Ota darvoza)dan kirilgan.
© Commons.wikimedia / PatrickringgenbergZapovednik "Ichan Kala" . Gorod Xivi
Zapovednik Ichan Kala . Gorod Xivi  - Sputnik O‘zbekiston, 1920, 18.05.2022
Zapovednik "Ichan Kala" . Gorod Xivi
4. Temuriylar tarixi davlat muzeyi – 86,5 ming kishi
Muzey 1996-yil Sohibqiron tavalludining 660-yilligi munosabati bilan Amir Temur hiyoboniga tutash hududda barpo etilgan. Muzeyning balandligi 31, diametri 70 metr. Muzey gumbazini yoritib turgan “Zumrad” deb nomlangan qandilning og‘irligi ikki tonnadan oshadi. Muzeyda Markaziy Osiyoning ilk Uyg‘onish davridan to Sohibqiron davrigacha va temuriylar hayotidan hikoya qiluvchi eksponatlar, rang-barang osori atiqalar o‘rin olgan.
© Flickr / Robert WilsonGosudarstvenniy muzey istorii Temuridov
Gosudarstvenniy muzey istorii Temuridov - Sputnik O‘zbekiston, 1920, 18.05.2022
Gosudarstvenniy muzey istorii Temuridov
5. Qoraqalpog‘iston Respublikasi I.V. Saviskiy nomidagi davlat muzeyi – 48,3 ming kishi
Ushbu muzey dunyoda qiymati bo‘yicha Sankt-Peterburgdagi Davlat Rus muzeyidan keyin ikkinchi rus avangardi kolleksiyasiga ega. Muzeyda arxeologik meros obyektlarining yirik kolleksiyasi, shuningdek Markaziy Osiyoning xalq, amaliy va zamonaviy san’at asarlari ham saqlanadi.
Muzey 1966-yilda tashkil etilgan bo‘lib, u yerda 100 000ga yaqin san’at asarlari va artefaktlar mavjud.
© Press-slujba muzeya imeni SaviskogoOtkritie ekspozitsii k dnyu rojdeniya Igorya Saviskogo v Nukuse
Otkritie ekspozitsii k dnyu rojdeniya Igorya Saviskogo v Nukuse - Sputnik O‘zbekiston, 1920, 18.05.2022
Otkritie ekspozitsii k dnyu rojdeniya Igorya Saviskogo v Nukuse
Bugungi kunda Respublika muzeylari fondlarida jami 2 553 056 ta muzey ashyosi va kolleksiyasi mavjud.
Eslatib o‘tamiz, 1-yanvar holatiga O‘zbekistondagi muzeylar soni 127 tani tashkil etib, muzeylarga o‘tgan yilda 3 158 928 nafar mahalliy va xorijiy sayyoh tashrif buyurgan.
Bugun Xalqaro muzeylar kuni munosabati bilan barcha muzeylar tashrif buyuruvchilar uchun bepul xizmat ko‘rsatadi.
Afrasiab - muzey istorii Samarkanda - Sputnik O‘zbekiston, 1920, 18.05.2021
Yetti mo‘’jiza: O‘zbekistonning qadriga yetilmagan muzeylari
Yangiliklar lentasi
0