Madaniyat

Oʻzbekistonga al-Buxoriy va at-Termiziy qoʻlyozmalarining elektron nusxalari olib kelindi

© Sputnik / Asatur YesayantsStarinnaya rukopis
Starinnaya rukopis - Sputnik Oʻzbekiston, 1920, 18.05.2022
Obuna boʻlish
Yandex newsTelegram
Al-Aqso masjidi kutubxonasidan olib kelingan nodir qoʻlyozmalardan tashqari Buxoro yahudiylari uyushmasiga tegishli hujjatlar toʻplami ham keltirilgan.
TOSHKENT, 18 may — Sputnik. Isroildagi Al-Aqso masjidi kutubxonasida saqlanayotgan Imom al-Buxoriy va Iso at-Termiziyning nodir qoʻlyozmalari elektron nusxasi Oʻzbekistonga olib kelindi. Bu haqda AOKAda oʻtkazilgan brifingda “Oʻzarxiv” agentlik axborot xizmati rahbari Anvarjon Aliyev maʼlum qildi.
Qoʻlyozmalarning elektron nusxalaridan tashqari Isroil davlat arxivi saqlovidagi Buxoro yahudiylari uyushmasiga tegishli hujjatlar toʻplami (1940-1960 y.) va Oʻzbekistonning ilk mustaqillik bayrami bilan tabriknoma va tabrik uchun bildirilgan tashakkurnoma xatlar toʻplami (1992 y.) nusxalari olib kelingan.
“Agentlik 12 ta xorijiy davlatning manfaatdor tashkilotlari bilan 15 ta ikki tomonlama va koʻp tomonlama hamkorlik hujjatlarini imzoladi. Ular orasida Rossiya, Qozogʻiston, Misr, Ukraina, Koreya, Turkiya, Birlashgan Arab Amirliklari, Vengriya, Isroil Davlati, Polsha, AQSH kabi davlatlarning nufuzli arxiv va muzey idoralari bor”, - deydi Anvarjon Aliyev.
Hozirda ikkinchi jahon urushi davrida Oʻzbekiston hududiga evakuatsiya qilinganlar taqdiriga aloqador maʼlumotlarni oʻz ichiga olgan arxiv hujjatlarini kataloglashtirish ishlari amalga oshirilmoqda.
Bundan tashqari, Turkiya tomonidan moliyalashtirilayotgan “Oʻzbekiston-Turkiya aloqalari hujjatlarda” nomli kitob-albom nashrga tayyorlanmoqda.
Agentlik Mustaqil davlatlar hamdoʻstligi (MDH) ishtirokchi davlatlari arxiv xizmatlari rahbarlarining Maslahat kengashini tashkil etish toʻgʻrisidagi MDH Iqtisodiy kengashining qaroriga rasman qoʻshilgan.
Agentlik tizimidagi milliy arxivlar va davlat arxivlari oʻquv zallariga Rossiya, Isroil, Germaniya, Kanada, Polsha, Avstriya, AQSH, Buyuk Britaniya, Frantsiya kabi xorijiy mamlakatlardan jami 25 ga yaqin tadqiqotchi tashrif buyurgan. Ular oʻzlarining tadqiqot ishlari boʻyicha tegishli arxiv materiallaridan foydalangan.
Yangiliklar lentasi
0