Iqtisod

Qashqadaryoda yirik quvvatli ilk tsement zavodi ishga tushirildi

© Foto: Qashqadaryo viloyati hokimligi“Qarshi konch tsement” zavodi
“Qarshi konch tsement” zavodi  - Sputnik Oʻzbekiston, 1920, 18.05.2022
Obuna boʻlish
Yandex newsTelegram
Yangi zavodda yiliga 1,2 million tonna M-400, M-500 va M-600 markali tsement ishlab chiqariladi. Mahsulotlarning 30 foizi Qozogʻiston, Qirgʻiziston, Afgʻoniston va Xitoy kabi davlatlarga eksport qilinadi.
TOSHKENT, 18 may — Sputnik. Qashqadaryo viloyatida yirik quvvatga ega “Qarshi konch tsement” tsement zavodi ishga tushirildi.
Yangi korxona Kitob tumanidagi 62 gektar yer maydonda joylashgan. Viloyat hokimligi axborot xizmatining Sputnik muxbiriga maʼlum qilishicha, korxona ishga tushishi natijasida 400 ta yangi ish oʻrni yaratildi.
U yerda yiliga 1,2 million tonna M-400, M-500 va M-600 markali tsement ishlab chiqarish rejalashtirilgan. Mahsulotlarning 30 foizi Qozogʻiston, Qirgʻiziston, Afgʻoniston va Xitoy kabi davlatlarga eksport qilinadi.
“Zavodni ishga tushirishdan asosiy maqsad qurilish materiallari sanoatini rivojlantirish va aholini sifatli qurilish mollariga boʻlgan ehtiyojini qondirishdan iborat”, - deyiladi xabarda.
Yangi zavod Xitoyning “Anxuy konch tsement” kompaniyasi tomonidan 150 mln dollarlik toʻgʻridan-toʻgʻri xorijiy investitsiya mablagʻlari hisobiga foydalanishga topshirilgan.
Oʻzbekiston tsementni qaysi mamlakatlardan import qilmoqda
Yangiliklar lentasi
0