Dunyoda

Tojikiston IIV aksilterror operatsiyasini boshladi

© Sputnik / © SputnikPogranichnыy post, arxivnoye foto
Pogranichnыy post, arxivnoye foto - Sputnik Oʻzbekiston, 1920, 18.05.2022
Obuna boʻlish
Yandex newsTelegram
Taʼkidlanishicha, uyushgan jinoiy guruh aʼzolari Roʻshon tumanidagi davlat chegarasidagi Dushanbe – Kulma avtomobil yoʻlini noqonuniy yopib qoʻygan.
TOSHKENT, 18 may — Sputnik. Tojikiston IIV Togʻli Badaxshon avtonom viloyati Roʻshon tumanida aksilterror operatsiyasi boshlanganini eʼlon qildi.
Maʼlum qilinishicha, 17 may kuni uyushgan jinoiy guruh aʼzolari ijtimoiy-siyosiy vaziyatni beqarorlashtirish maqsadida Roʻshon tumanidagi davlat chegarasidagi Dushanbe – Kulma xalqaro avtomobil yoʻlini qonunga xilof ravishda yopib qoʻygan.
Jinoyatchilar xalqaro terrorchilik tashkilotlari koʻmagida xorijda qurol-yarogʻ va oʻq-dorilar qoʻlga kiritgan, shuningdek, terrorchilik harakatlari va boshqa provokatsiyalarni amalga oshirish uchun xorijiy yollanma askarlarni jalb qilgan.
IIV bu harakat konstitutsiyaviy tuzum asoslariga qarshi qaratilganini qayd etgan. Uyushgan jinoiy guruhlar huquqni muhofaza qiluvchi organlar xodimlarining qurol-yarogʻ va oʻq-dorilarni topshirish boʻyicha qonuniy talablarini bajarmagan va qurolli qarshilik koʻrsatgan.

“Dushanbe – Kulma xalqaro avtomobil yoʻlining Rushon tumanidagi qismida fuqarolar xavfsizligi, jamoat tartibini taʼminlash va transport vositalarining toʻsiqsiz harakatini tiklash boʻyicha aksilterror operatsiyasi boshlandi”, - deyilgan xabarda.

Hozircha qoʻlga olinganlar va jabrlanganlar haqidagi maʼlumot berilmagan.
Yangiliklar lentasi
0