Madaniyat

Mendeleyev olimpiadasi gʻoliblariga DTM va MGU tomonidan imtiyozlar beriladi

Mejdunarodnaya Mendeleyevskaya olimpiada po ximii
Mejdunarodnaya Mendeleyevskaya olimpiada po ximii - Sputnik Oʻzbekiston, 1920, 19.05.2022
Obuna boʻlish
Yandex newsTelegram
Xalqaro Mendeleyev olimpiadasi gʻoliblarga kirish imtihonlarida kimyo fanidan maksimal ball beriladi hamda Moskva Davlat universitetiga kirishda imtiyozlar beriladi.
TOSHKENT, 19 may — Sputnik. Moskva davlat universiteti 56-Xalqaro Mendeleyev olimpiadasi sovrindorlarini imtiyoz asosida oʻqishga qabul qiladi. Bu haqda AOKAda oʻtkazilgan brifingda Prezident taʼlim muassasalari agentligi axborot xizmati rahbari Dilfuza Sobirova maʼlum qildi.
"Terma jamoamizdagi barcha gʻoliblarga Davlat test markazi tomonidan kimyo fanidan kirish imtihonlarida maksimum ball beriladi.
Bundan tashqari Moskva davlat universiteti sovrindorlarni imtiyoz asosida oʻqishga qabul qilishi koʻzda tutilgan", - dedi Sobirova.
Eslatib oʻtamiz, Toshkentda 9-15 may kunlari boʻlib oʻtgan 57-Xalqaro Mendeleyev olimpiadasida Oʻzbekiston jamoasi jami 10ta medalga sazovor boʻlgan edi. Ulardan 1tasi oltin, 4ta kumush va 5ta bronza. Olimpiadada 16 mamlakatdan 100 ga yaqin maktab oʻquvchilari ishtirok etdi. Ular 28 ta bronza, 18 ta kumush va 9 ta oltin medal uchun kurash olib borishdi.
Xalqaro Mendeleyev olimpiadasi – yuqori sinf oʻquvchilarining dunyodagi eng katta bellashuvlaridan biri boʻlib, turli davlatlar milliy olimpiadalari gʻoliblarini birlashtiradi. Bu YUNESKO tomonidan kimyo boʻyicha maktab oʻquvchilari uchun jahon olimpiadasiga tenglashtirilgan yagona fan olimpiadasidir.
Yangiliklar lentasi
0