Siyosat

Mirziyoyev Japarov bilan qoʻngʻiroqlashdi: yetakchilar nimalarni muhokama qilishdi

© Press-slujba prezidenta UzbekistanaShavkat Mirziyoyev vstretilsya s prezidentom Kыrgыzstana Sadыrom Japarovыm.
Shavkat Mirziyoyev vstretilsya s prezidentom Kыrgыzstana Sadыrom Japarovыm. - Sputnik Oʻzbekiston, 1920, 19.05.2022
Obuna boʻlish
Yandex newsTelegram
Oʻzbekiston va Qirgʻiziston rahbarlari beshta muhim yoʻnalishdagi hamkorlikda aniq natijalarga erishishga alohida eʼtibor qaratishdi.
TOSHKENT, 19 may — Sputnik. Oʻzbekiston prezidenti Shavkat Mirziyoyev Qirgʻiziston rahbari Sadir Japarov bilan telefon orqali muloqot qildi. Bu haqda davlat rahbari matbuot xizmati xabar bermoqda.
Qayd etilishicha, suhbatda Oʻzbekiston va Qirgʻiziston oʻrtasidagi doʻstlik, yaxshi qoʻshnichilik va strategik sheriklik munosabatlarini yanada mustahkamlashning dolzarb masalalari koʻrib chiqildi.
Turli darajalarda oʻzaro muloqot va almashinuvlar faollashgani mamnuniyat bilan qayd etildi. Savdo-iqtisodiy hamkorlik kengayib bormoqda – yil boshidan tovar ayirboshlash 30 foizga oshdi.
“Erishilgan kelishuvlarni amalga oshirish hamda beshta muhim yoʻnalish – Davlat chegarasiga oid masalalarda, savdo-sotiqni koʻpaytirish, sanoat kooperatsiyasini kengaytirish, transport va energetika sohalarida qoʻshma infratuzilma loyihalarini ilgari surish borasidagi amaliy hamkorlikda aniq natijalarga erishishga alohida eʼtibor qaratildi”, - deyilgan xabarda.
Yetakchilar Markaziy Osiyo davlatlari rahbarlarining navbatdagi Maslahat uchrashuvi kun tartibini har tomonlama tayyorlash muhimligini qayd etishdi.
Shuningdek, ikki davlat rahbarlari boʻlajak ikki va koʻp tomonlama tadbirlar rejasini ham koʻrib chiqdilar.
Yangiliklar lentasi
0