Jamiyat

Yadro fizikasi institutida bulutli informatsion texnologiyalari joriy etiladi

© Foto: Oʻzbekiston Fanlar akademiyasiOʻzbekiston va Rossiya olimlari bulutli texnologiyalaridan foydalanishga kelishib olishdi
Oʻzbekiston va Rossiya olimlari bulutli texnologiyalaridan foydalanishga kelishib olishdi - Sputnik Oʻzbekiston, 1920, 19.05.2022
Obuna boʻlish
Yandex newsTelegram
Bir guruh yosh oʻzbekistonlik olimlar Rossiyadagi institutga 6 oylik malaka oshirish kurslariga joʻnatilgan.
TOSHKENT, 19 may — Sputnik. Oʻzbekiston va Rossiya olimlari bulutli informatsion texnologiyalarini joriy qilishga kelishib olishdi. Bu haqda Oʻzbekiston Fanlar akademiyasi xabar berdi.
Fanlar akademiyasi Yadro fizikasi institutiga Birlashgan Yadro tadqiqotlari instituti Xalqaro davlatlararo tashkilotining (Dubna) vakillaridan iborat delegatsiya tashrif buyurdi.
Uchrashuvda “Bulutli informatsion texnologiyalari”ni joriy qilish, radiatsion biologiya yoʻnalishida hamkorlik qilish masalalari muhokama qilindi.
Ushbu tizimni dastlab Yadro fizikasi institutida, soʻngra Fanlar akademiyasining boshqa muassasalarida joriy qilishga kelishib olindi.
“Tizim ishga tushganidan soʻng katta hajmdagi maʼlumotlarni tez va ishonchli yuklab olish, joʻnatish hamda katta informatsion resurs talab qiluvchi hisoblarni bajarish imkoniyati yaratiladi”, - deyiladi xabarda.
Aytilishicha, hozirgi kunda bir guruh yosh olimlar Dubna shahridagi Birlashgan Yadro tadqiqotlari institutiga 6 oylik malaka oshirish kurslariga joʻnatilgan. Delegatsiya Materialshunoslik instituti faoliyati bilan tanishdi va mazkur muassasada ham “Bulutli informatsion texnologiyalar”ni joriy qilishga kelishib olindi.
Bulutli texnologiyalar (Cloud)

Bu axborotni saqlash va uni qayta ishlash uchun zarur boʻlgan litsenziyali dasturlarni, axborot tizimi va aloqa vositalarini oʻz ichiga olgan virtual muhitdir.

U foydalanuvchilarning ishini unumli va xavfsiz tizimda ishlashni taʼminlab beradi. Tizimdan dunyoning ixtiyoriy nuqtasida, istalgan paytda foydalanish mumkin.

KengaytirishYigʻishtirish
Yangiliklar lentasi
0