Iqtisod

Oʻzbekiston va Belarus oʻzaro investitsiyalarni himoya qiladi

© Sputnik / Fotobankka oʻtishBelorussko-ukrainskaya granitsa
Belorussko-ukrainskaya granitsa - Sputnik Oʻzbekiston, 1920, 20.05.2022
Obuna boʻlish
Yandex newsTelegram
Ikki davlat oʻrtasidagi kelishuvni amalga oshirish uchun Investitsiyalar va tashqi savdo vazirligi masʼul boʻldi.
TOSHKENT, 20 may - Sputnik. Oʻzbekiston prezidenti Shavkat Mirziyoyevning Oʻzbekiston va Belarus Hukumatlarining investitsiyalarni oʻzaro ragʻbatlantirish va himoya qilish toʻgʻrisidagi bitimni tasdiqlash toʻgʻrisidagi qarori loyihasi eʼlon qilindi. Bitim 2019 yil 1 avgust kuni Minsk shahrida imzolangan.
Qarorga koʻra, Mirziyoyev Investitsiyalar va tashqi savdo vazirligi mazkur xalqaro shartnomani amalga oshirish uchun masʼul boʻlgan vakolatli organ etib belgilagan.
Tashqi ishlar vazirligi Oʻzbekiston tomonidan mazkur xalqaro shartnomaning kuchga kirishi uchun zarur boʻlgan davlat ichki tartib-taomillari bajarilgani toʻgʻrisida Belarus tomoniga tegishli bildirishnoma yuboradi.
Qaror loyihasining qabul qilinishi davlat byudjetidan qoʻshimcha xarajatlarni talab etmaydi. Bu orqali 2019 yil 1 avgust kuni Minsk shahrida imzolangan yuqoridagi hukumatlararo bitim kuchga kirishi uchun zarur boʻlgan ichki davlat protseduralari amalga oshiriladi hamda bitimni qoʻllash uchun zamin yaratiladi.
Mazkur qarorning ijrosini nazorat qilish Oʻzbekiston Bosh vaziri Abdulla Aripov zimmasiga yuklatildi.
Yangiliklar lentasi
0