Jamiyat

Yangi oʻquv yilidan maktab formasi toʻliq joriy etiladi

© Sputnik / Dilshoda RaxmatovaShkolnaya forma
Shkolnaya forma - Sputnik Oʻzbekiston, 1920, 20.05.2022
Obuna boʻlish
Yandex newsTelegram
10 avgustdan har bir tuman (shahar)da maktab formasi ishlab chiquvchilarning savdo shoxobchalari tashkil etiladi.
TOSHKENT, 20 may — Sputnik. Oʻquvchilar uchun maktab formasini toʻliq joriy etish ishlari yangi oʻquv yilidan boshlanadi. Ushbu haqida 19 may kuni hukumatning 271-sonli qarori qabul qilindi.
Ushbu qarorga muvofiq:
2022/2023 oʻquv yilidan davlat maktablarida oʻquvchilar uchun maktab formasi toʻliq joriy etiladi (oldinga qarorda 2024/2025 oʻquv yilidan boshlab joriy etilishi aytilgan edi).
2022 yil 1 iyungacha hududlar kesimida 2022/2023 oʻquv yilida maktab formalariga ehtiyoj aniqlanadi.
2022 yil 10 avgustdan har bir tuman (shahar)da maktab formasi ishlab chiquvchilarning savdo shoxobchalari tashkil etiladi.
Kam taʼminlangan oilalar farzandlari uchun maktab formasi mahalliy byudjet hamda “Temir daftar”, “Ayollar daftari” va “Yoshlar daftari” jamgʻarmalari mablagʻlari hisobidan sotib olinishida koʻmaklashiladi.
Maʼlumot uchun, davlat maktablari oʻquvchilari uchun yagona maktab formasi Vazirlar Mahkamasining 666-son qaroriga koʻra, 2024/2025 oʻquv yilidan boshlab joriy etilishi kerak edi.
Yangiliklar lentasi
0