Siyosat

AQShning Oʻzbekistondagi yangi elchisi nomzodi eʼlon qilindi

© UzADjonatan Xeniq
Djonatan Xeniq  - Sputnik Oʻzbekiston, 1920, 21.05.2022
Obuna boʻlish
Yandex newsTelegram
TOSHKENT, 21 may - Sputnik. Prezident Jo Bayden 20 may kuni AQShning Oʻzbekistondagi yangi elchisi nomzodini eʼlon qildi, deb xabar qilmoqda OʻzA, AQSH OAViga asosan.
"AQSH rahbari Jo Bayden mamlakatning Oʻzbekistondagi navbatdagi elchisi sifatida uzoq yillik tajribaga ega diplomat Jonatan Henik nomzodini koʻrsatdi", - deyilgan xabarda.
Nomzod Kongressning yuqori palatasi, Senat tasdigʻidan oʻtishi kerak. Amerikaning Toshkentdagi hozirgi elchisi Daniyel Rozenblum faoliyatini boshlaganiga uch yildan oshdi.
Jonatan Henik (Jonathan Henick) - Kolumbiya universitetida xalqaro aloqalar boʻyicha magistrlik darajasiga va Gavaya universitetidan Phd darajasiga ega. U AQSH Tashqi ishlar vazirligida 20 yildan buyon ishlaydi. Henik Janubiy va Markaziy Osiyo boʻyicha Davlat kotibi yordamchisi oʻrinbosari va jamoatchilik diplomatiyasi boʻyicha direktor vazifalarida ishlab kelgan.
Jonatan Henik, AQShning Ozarbayjon, Turkiya, Portugaliya va Oʻzbekistondagi diplomatik vakolatxonalarida ham xizmat qilgan. Asli Nyu-Yorkdan boʻlgan Henik rus, portugal, turk va ozarbayjon tillarini biladi.
Yangiliklar lentasi
0