Jamiyat

Kuchli shamol Xorazm va Navoiyda uylarning tomini uchirdi - FVV

© MCHSMCHS pokazalo posledstviya silnogo vetra
MCHS pokazalo posledstviya silnogo vetra - Sputnik Oʻzbekiston, 1920, 21.05.2022
Obuna boʻlish
Yandex newsTelegram
Oʻzbekiston hududida 21 - 23 may kunlari kuchli shamol ehtimoli saqlanib qolishi tufayli FVV ushbu tabiat hodisasi bilan bogʻliq baxtsiz hodisalar haqida aholini ogohlantirdi.
TOSHKENT, 21 may - Sputnik. Favqulodda vaziyatlar vazirligi Xorazm va Navoiyda kuchli shamol oqibatlari haqida maʼlum qildi.
Xabarda aytilishiga koʻra, 21 may kuni soat 10:45da Urganch shahar Abulgʻozi-Baxodirxon koʻchasidagi uyning tahminan 70 m2 maydonda tom yopma qoplamasini shamol uchirib, uyning orqa tomonidagi avtoturargoxgatushirgan. Hodisa oqibatida "Gentra" avtomobili qisman zararlangan.
Urganch tumani "Gʻalaba" MFYdagi xususiy uyning tahminan 80 m2 maydonda uyini shifer qoplamasi shamol oqibatida uchib yerga kulab tushgan. Voqea joyida tan jaroxati olganlar yoʻq.
Navoiy viloyatining Uchquduq tumanida "Doʻstlik" MFYda joylashgan uyning taxminan 5 m.kv, "Yoʻlchilar" MFYda 2 ta xonadonlarning taxminan 4 kv.m dan tom qismi shifer va tunikalarini uchirgan. Aholi tan jarohati olishi boʻyicha murojaatlar kelib tushmagan.
Eslatib oʻtamiz, Gidrometeorologiya xizmat markazi tomonidan 20 - 23 may kunlari Oʻzbekiston Respublikasi hududlarida shamol tezligi sekundiga 23-28 metrgacha kuchayishi Shuningdek, baʼzi joylarda bu changli boʻronlarni koʻtarishi mumkinligi toʻgʻrisida xabarlar berilgan.
FVV 21 - 23 may kunlari Oʻzbekiston hududi kuchli shamol va yogʻingarchiliklar yuzaga kelishi mumkinligi, togʻli va togʻ oldi hududlarida sel va toshqinlar bilan bogʻliq baxtsiz hodisalar keltirib chiqarishi mumkinligi toʻgʻrisida aholini ogohlantirdi.
Dam olish kunlari qanday ob-havo kuzatiladi - Oʻzgidromet
Maʼlumot uchun, biroz oldin FVV kuchli shamol vaqtida turli baxtsiz hodislardan saqlanish toʻgʻrisida yoʻriqnoma tarqatan edi.
FVVning kuchli shamol vaqtidagi tavsiyalari:
yashash joylarida eshik-derazalar, chordoq va havo aylanish tizimlarini mahkam berkitish;
elektr va gaz vositalarini oʻchirish;
koʻchalarda daraxt va elektr ustunlari tagida turmaslik;
koʻp qavatli binolar balkonlarida, deraza tokchalari hamda tashqaridagi buyumlarni imkon qadar xavfsiz joylarga olib qoʻyish yoki mustahkamligini tekshirish;
shamol kuchayganda, mustahkam qurilgan binolar, yer osti oʻtish yoʻllari va boshqa yashirinish mumkin boʻlgan joylarda muhofazalanish;
ochiq maydonda yurgan hollarda pastliklar, chuqurliklar va barcha xavfsiz yerlarga yotgan holda himoyalanish;
buzilgan binolarga kirish, xavfli ustunlar, reklama ustunlari va daraxtlar ortiga yashirinish taqiqlanadi;
avtomobillarni daraxtlar ostida qoldirmaslikni tavsiya etadi.
Shuningdek, kuchli shamoldan soʻng elektr va gaz jihozlaridan ular tekshirilgandan keyin foydalanish talab etiladi.
Yangiliklar lentasi
0