Siyosat

Senatning navbatdagi yalpi majlisida qaysi qonunlar koʻrib chiqiladi

© Sputnik / Dilshoda Raxmatova17-oye plenarnoye zasedaniye Senata Oliy Majlisa RUz
17-oye plenarnoye zasedaniye Senata Oliy Majlisa RUz - Sputnik Oʻzbekiston, 1920, 22.05.2022
Obuna boʻlish
Yandex newsTelegram
Senatorlar 26-yalpi majlisda "Davlat fuqarolik xizmati" va "Davlat ehtiyojlari uchun yer uchastkalarini kompensatsiya toʻlash sharti bilan olib qoʻyish tartibi toʻgʻrisida"gi va boshqa qonunlarni koʻrib chiqishadi.
TOSHKENT, 22 may — Sputnik. Oliy Majlis Senatining 26-yalpi majlisi 28 may kuni chaqiriladi. Bu haqda yuqori palata matbuot xizmati xabar berdi.
Videokonferentsaloqa shaklida boʻlib oʻtadigan yalpi majlisda quyidagi masalalar koʻrib chiqiladi:
"Davlat fuqarolik xizmati toʻgʻrisida"gi,
"Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida"gi,
"Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish tizimi takomillashtirilishi munosabati bilan ayrim qonun hujjatlarga oʻzgartish va qoʻshimchalar kiritish toʻgʻrisida"gi,
"Giyohvandlik vositalari va psixotrop moddalar toʻgʻrisida"gi qonunining 19-moddasiga qoʻshimcha va oʻzgartish kiritish toʻgʻrisida"gi qonunlar shular jumlasidandir.
Yalpi majlisda Senat Orolboʻyi mintaqasini rivojlantirish masalalari va ekologiya qoʻmitasining 2021 yil va 2022 yilning birinchi choragidagi faoliyati toʻgʻrisidagi hisobotini ham eshitadi.
Senatorlar iqtisodiyot tarmoqlari, ijtimoiy soha obʼyektlari hamda aholi turar joylarida quyosh va shamol energiyasidan foydalanish boʻyicha Qoraqalpogʻistonda bajarilayotgan ishlar toʻgʻrisida Vazirlar Mahkamasiga yuborilgan parlament soʻrovi natijalarini ham koʻrib chiqishadi.
Bundan tashqari, internet jahon axborot tarmogʻida yoshlar va voyaga yetmaganlar uchun milliy kontentni rivojlantirish, ularning ijtimoiy tarmoqlardan foydalanish madaniyati va zararli axborotdan himoya qilish masalalari yuzasidan Vazirlar Mahkamasiga yuborilgan parlament soʻrovi natijalari ham muhokama qilinadi.
Yangiliklar lentasi
0