Jamiyat

Moʻynoqqa pushti va jingalak saqoqushlar uchib keldi – foto

Obuna boʻlish
Yandex newsTelegram
“Sudochye-Akpetki” davlat buyurtma qoʻriqxonasida pushti va jingalak saqoqushlarning galasini tasvirga olishga muvaffaq boʻlindi.
TOSHKENT, 23 may — Sputnik. “Sudochye-Akpetki” davlat buyurtma qoʻriqxonasi xodimlari olib borgan nazorat tadbirlari davomida pushti va jingalak saqoqushlarning galasi tasvirga olindi. Bu haqda Davlat ekologiya qoʻmitasi xabar berdi.
Bu qushlarning havo xaltasi hamda skeleti gʻovak boʻlishi tufayli suvda yaxshi suzadi va yaxshi ucha oladi.
“Koloniya boʻlib dengiz, daryo va koʻl orollaridagi qamishzorlarda toʻplanadi. Daraxt va yerga uya quradi. Odatda, 2—3 ta tuxumini nari va modasi 35—40 kun navbatlashib bosadi. Bolalari 70—75 kunda uchirma boʻladi”, - deyiladi xabarda.
Qushlarning soni qisqarib borayotgan tur sifatida Oʻzbekistonning Qizil kitobiga kiritilgan.
© Foto: Davlat ekologiya qoʻmitasi
Moʻynoqqa pushti va jingalak saqoqushlar uchib keldi - Sputnik Oʻzbekiston
1/3
© Foto: Davlat ekologiya qoʻmitasi
Moʻynoqqa pushti va jingalak saqoqushlar uchib keldi - Sputnik Oʻzbekiston
2/3
© Foto: Davlat ekologiya qoʻmitasi
Moʻynoqqa pushti va jingalak saqoqushlar uchib keldi - Sputnik Oʻzbekiston
3/3
Saqoqushlarning tashqi koʻrinishi
Ularning vazni 13 kg atrofida va qanotlarini yozganida 3 m gacha yetadi. Patlari kulrang tusli oq, boshida va boʻynining orqa qismida uzun jingalak patli kokilchasi bor, qanotlarining uchi qora, tumshuqosti xaltasi sariq, oyoqlari kul rang. Yosh qushlar kul rang-qoʻngʻir tusda.
Maʼlumot uchun, ushbu qushlar Orolboʻyida, Amudaryo deltasida, Aydar-Arnasoy koʻllar tizimida uyalaydi. Mavsumiy uchishida saqoqushlar Amudaryo, Sirdaryo va Zarafshon xavzalarining boshqa yirik tekslik suvlarida uchraydi, baʼzida qishlaydi.
Saqoqushlarning yashash tarzi
Qamishlar qalin oʻsadigan, baliqga boy boʻlgan yirik, sayoz tekslik suv xavzalarida yashaydi. Baliqlar bilan oziqlanadi. Uyasini qamish uyumlariga yoki sayoz joylar va orollarda quradi. Tuxum bosganida odatda 2 ta oq tuxum qoʻyadi. Yosh qushlar 65-70 kunlik boʻlganida, iyun-avgustda ucha boshlaydi. Shundan soʻng toʻp-toʻp uyalari boʻlinib ketadi hamda qushlar galalari hosil qiladi va ovqat izlab koʻchib yuradi. Bahorgi uchib oʻtishi mart-aprelda, kuzgi uchib oʻtishi sentyabr-noyabrda boʻladi.
Qushlarni ov qilish taʼqiqlangan.
Yangiliklar lentasi
0