Jamiyat

Sergelida yangi yoʻl boʻylab qurilgan devorning bir qismi qulab tushdi

© Foto: Videodan kadrSergelida yangi yoʻl boʻylab qurilgan devorning bir qismi qulab tushdi
Sergelida yangi yoʻl boʻylab qurilgan devorning bir qismi qulab tushdi - Sputnik Oʻzbekiston, 1920, 23.05.2022
Obuna boʻlish
Yandex newsTelegram
Sergeli tumani hokimligi mazkur holatni oʻrgangan. Unga koʻra, ushbu kamchilik pudratchining devorni mustahkam oʻrnatmaganligi bilan bogʻliq boʻlgan.
TOSHKENT, 23 may — Sputnik. Ijtimoiy tarmoqlarda Toshkentning Sergeli tumanidagi yangi barpo etilgan yoʻl boʻylab qurilgan yigʻma devorning bir qismi qulagani aks etgan video tarqaldi. Tuman hokimligi holat yuzasidan munosabat bildirdi.
Hokimlik oʻz xabarida Oʻzgidromet 21-24 may kunlari kuchli shamol esishi toʻgʻrisida ogohlantirgani eslatgan.

“Shu bilan birga, mazkur hudud boʻylab ushbu devor ortida katta ochiq maydon boʻlgani sababli, shamolning bir qancha kuchli boʻlganligi kuzatildi”, - deyiladi xabarda.

Maʼlum qilinishicha, Sergeli tumani hokimligi mazkur holatni oʻrgangan. Unga koʻra, ushbu kamchilik pudratchining devorni mustahkam oʻrnatmaganligi bilan bogʻliq boʻlgan. Shu bois pudratchi oʻz hisobidan devorni taʼmirlab beradi.
Yangiliklar lentasi
0