Dunyoda

Turkmanistonda Gurbanguli Berdimuhamedovning otiga haykal oʻrnatiladi

© Sputnik / Stringer / Fotobankka oʻtishGoroda mira. Ashxabad
Goroda mira. Ashxabad - Sputnik Oʻzbekiston, 1920, 23.05.2022
Obuna boʻlish
Yandex newsTelegram
Tegishli farmonni Turkmaniston prezidenti Serdar Berdimuhamedov imzoladi.
TOSHKENT, 23 may — Sputnik. Turkmanistonning Axal viloyati hududida Axaltekin zotli Akxan (Oq xon) otiga haykal oʻrnatiladi. Bu haqda dushanba kuni Hukumatning rus tilida chop etiladigan “Neytralnыy Turkmenistan” gazetasi xabar berdi, deya yozadi RIA Novosti.
Tegishli farmonni Turkmaniston prezidenti Serdar Berdimuhamedov imzoladi.
“Xalqning milliy gʻururi boʻlgan Axaltekin otlarining shon-shuhratini oshirish maqsadida Turkmaniston Prezidenti farmonni imzoladi. Unga koʻra, Axal viloyati xokimligiga “Zvezda sport” xususiy korxonasi bilan Akxan haykalini loyihalash va qurish uchun shartnoma tuzishga ruxsat berildi”, - deyiladi xabarda.
Nashrning taʼkidlashicha, hujjatda qurilish ishlarini 2022 yilning may oyida boshlash va obʼyektni 2022 yil dekabrida foydalanishga toʻliq shay holatda topshirish koʻzda tutilgan.
Turkmanistonning “Turkmenportal” axborot saytida keltirilishicha, Akxan Turkmanistonning sobiq prezidenti Gurbanguli Berdimuhamedov tomonidan shaxsan tarbiyalangan afsonaviy otdir. 2018 yilda u orqa tuyogʻida 10 metr masofani 4,19 soniyada bosib oʻtgani bilan mashhur boʻlgan. Ushbu yutuq Ginnessning rekordlar kitobiga kiritilgan.
Shuningdek, “Turkmenportal”ga koʻra, bu Turkmanistonda Axaltekin otlariga oʻrnatilgan birinchi yodgorlik emas. 2013 yil aprel oyida Axaltekin zotli Poʻlatli otiga bagʻishlangan haykaltaroshlik kompozitsiyasining tantanali ochilishi boʻlib oʻtgan va bir yil oʻtgach, Axaltekin zotli Yanardagʻ sharafiga monument ochilgan.
Yangiliklar lentasi
0