Siyosat

Abdulaziz Kamilov Saudiya TIV rahbari bilan muloqot qildi

© Foto: MID UzbekistanaMinistr inostrannыx del Uzbekistana Abdulaziz Kamilov
Ministr inostrannыx del Uzbekistana Abdulaziz Kamilov - Sputnik Oʻzbekiston, 1920, 24.05.2022
Obuna boʻlish
Yandex newsTelegram
Saudiya tomoni Kamilovni Oʻzbekiston prezidentining maxsus vakili deb qayd etgan. Suhbat chogʻida soʻnggi mintaqaviy hamda xalqaro oʻzgarishlar muhokama qilingan.
TOSHKENT, 24 may — Sputnik. 22 may kuni Oʻzbekiston prezidenti huzuridagi Xavfsizlik kengashi kotibining tashqi siyosat va xavfsizlik masalalari boʻyicha oʻrinbosari Abdulaziz Kamilov Saudiya Arabistoni tashqi ishlar vaziri Faysal ibn Farxon ibn Abdulla bilan telefon orqali muloqot qildi. Bu haqda “Saudi Press Agency” xabar berdi.
“Bugun Tashqi ishlar vaziri Faysal ibn Farxon ibn Abdullaga Oʻzbekiston Prezidentining maxsus vakili janob Abdulaziz Kamilov tomonidan qoʻngʻiroq qilindi”, deyiladi xabarda.
Muloqot chogʻida ikki tomonlama munosabatlar va ularni mustahkamlash yoʻllari koʻrib chiqilgan, shuningdek, mintaqaviy va xalqaro maydondagi soʻnggi oʻzgarishlar hamda tomonlarni qiziqtirgan boshqa masalalar muhokama qilingan.
Eslatib oʻtamiz, mart oyida Abdulaziz Kamilov salomatligi bilan bogʻliq muammo tufayli xorijda davolanayotgani aytilgan edi.
Aprel oyi oxirlarida Oʻzbekiston prezidentining tegishli farmonlari bilan Oʻzbekiston Tashqi ishlar vaziri lavozimini egallab kelgan Abdulaziz Kamilov Oʻzbekiston prezidenti huzuridagi Xavfsizlik kengashi kotibining tashqi siyosat va xavfsizlik masalalari boʻyicha oʻrinbosari lavozimiga tayinlandi. Oʻzbekiston Tashqi ishlar vaziri vazifasini bajarish esa Vladimir Norov zimmasiga yuklatilgan edi.
Yangiliklar lentasi
0