Iqtisod

Samarqandda yirik quyosh fotoelektr stantsiyasi ishga tushirildi

© Foto: MinenergoV Samarkandskoy oblasti zapuщena solnechnaya fotoelektricheskaya stantsiya promыshlennogo masshtaba
V Samarkandskoy oblasti zapuщena solnechnaya fotoelektricheskaya stantsiya promыshlennogo masshtaba - Sputnik Oʻzbekiston, 1920, 24.05.2022
Obuna boʻlish
Yandex newsTelegram
Stantsiya yiliga 80 mingdan ortiq xonadonni elektr energiyasi bilan taʼminlaydi.
TOSHKENT, 24 may — Sputnik. Samarqandning Nurobod tumanida qurilgan, quvvati 100 megavattga teng boʻlgan yirik quyosh fotoelektr stantsiyasi Oʻzbekistonning yagona elektr tarmogʻiga quvvat uzatishni boshladi. Bu haqda Energetika vazirligi xabar berdi.
Quyosh fotoelektr stantsiyasining umumiy qiymati 100 million dollarga teng.
U yerda yiliga 260 million kilovatt-soat elektr energiya ishlab chiqariladi va 80 mingdan ortiq xonadon elektr energiyasi bilan taʼminlanadi.
“Stantsiya ishga tushirilishi natijasida yiliga 78 million kub metr tabiiy gaz tejalishiga erishiladi hamda atmosferaga 100 ming tonna zararli chiqindilarning chiqishi oldi olinadi”, - deyiladi xabarda.
Ushbu hajmdagi tejalgan gaz bilan respublikadagi mavjud barcha aholi xonadonlarini oʻn kun davomida tabiiy gaz bilan taʼminlash mumkin.
Stantsiya qurilishiga 400 nafar ishchi-xodimlar jalb etilgan boʻlsa, loyiha ishga tushishi natijasida 25 ta yangi ish oʻrni yaratildi.
Oʻzbekistonda yirik quyosh fotoelektr stantsiyasi ishga tushirildi
Maʼlumot uchun, 2023 yil yakuniga qadar Samarqandning Kattaqoʻrgʻon tumanida 220 megavatt boʻlgan viloyatdagi ikkinchi yirik quyosh fotoelektr stantsiyasi ishga tushiriladi.
Yangiliklar lentasi
0