Jamiyat

Aziz bolalarim! - prezident maktab bitiruvchilarini tabrikladi

© Press-slujba prezidenta UzbekistanaShavkat Mirziyoyev
Shavkat Mirziyoyev - Sputnik Oʻzbekiston, 1920, 25.05.2022
Obuna boʻlish
Yandex newsTelegram
Shavkat Mirziyov maktab bitirayotgan yoshlarga kelajakda ulkan maqsadlarga erishishda omadlar tiladi.
TOSHKENT, 25 may - Sputnik. Oʻzbekiston prezidenti Shavkat Mirziyoyev maktab bitiruvchilarini yangi hayot yoʻliga qadam qoʻyayotgani bilan tabrikladi.
"Sizlarni maktab taʼlimini muvaffaqiyatli tugatib, mustaqil hayotga – umringizning yanada goʻzal va masʼuliyatli bosqichiga qadam qoʻyayotganingiz bilan chin qalbimdan samimiy tabriklayman.
Mamlakatimizdagi barcha umumtaʼlim dargohlarida “soʻnggi qoʻngʻiroq”lar yangrab, qadrdon maktabingiz, mehribon ustozlaringiz bilan xayrlashuv tadbirlari oʻtkazilayotgan ushbu quvonchli va gʻoyat hayajonli damlarda hammangizga kelgusi hayotda ulkan yutuq va omadlar tilayman.
Umid va ishonch ramzi boʻlgan yetuklik shahodatnomalari barchangizga muborak boʻlsin!", - deyilgan prezident tabrik soʻzida.
Shavkat Mirziyoyev bu yil Oʻzbekiston hududidagi 10 mingta maktablarni 390 mingdan ortiq oʻquvchilar bitirayotganini va ularni 162ta oliy oʻquv yurtlari va koʻplab kasb-hunar maktablari, kollej va texnikumlar kutayotganini aytib oʻtdi.
Shuningdek, prezident 78 ta oliy taʼlim muassasasida ishlab chiqarishdan ajralmagan holda oʻqib, oliy maʼlumot olish hamda masofaviy taʼlim shaklida kadrlar tayyorlash tizimi mavjudligiga ham eʼtibor qaratdi.
"Bitiruvchi yoshlarni oliy taʼlim bilan qamrab olish darajasi 2016 yildagi 9 foizdan bu yil 38 foizga yetkazildi", - dedi prezident.
Shavkat Mirziyov maktab bitirayotgan yoshlarga kelajakda ulkan maqsadlarga erishishda omadlar tiladi.
"Hech qachon unutmang, kelajakda sizni yanada ulkan va masʼuliyatli marralar kutmoqda. Oldingizga aniq maqsad qoʻyib, bor kuch-gʻayratingiz, bilim va salohiyatingiz bilan harakat qilsangiz, koʻzlagan choʻqqilarga albatta erishasiz.
Barchangizga ishda va oʻqishda, shaxsiy hayotda katta yutuq va omadlar tilayman.
Doimo sogʻ-omon boʻling! Intilib, izlanib yashashdan aslo toʻxtamang! Baxt va omad hamisha hamrohingiz boʻlsin, aziz oʻgʻil-qizlarim!", - deb tabrik soʻzini yakunladi prezident.
Yangiliklar lentasi
0