Turizm

Oʻzbekiston va Rossiya togʻli kurortlari hamkorlik borasida kelishib olishdi

© Sputnik / Dilshoda RaxmatovaOtkrыtiye gornolыjnogo kurorta Amirsoy v Tashkentskoy oblasti
Otkrыtiye gornolыjnogo kurorta Amirsoy v Tashkentskoy oblasti - Sputnik Oʻzbekiston, 1920, 25.05.2022
Obuna boʻlish
Yandex newsTelegram
“Amirsoy” va “Roza Xutor” dam olish maskanlari qoʻshma loyihalarni amalga oshiradi, oʻzaro tajriba almashadi.
TOSHKENT, 25 may — Sputnik. Toshkent viloyatidagi “Amirsoy” va Sochining “Roza Xutor” kurortlari oʻrtasida turizm sohasida qoʻshma loyihalarni amalga oshirish va tajriba almashishni koʻzda tutuvchi hamkorlik memorandumi imzolandi. Bu haqda “Roza Xutor” togʻ-changʻi kurorti xabar berdi.
“Memorandum shartlariga muvofiq, Oʻzbekiston va Rossiyaning togʻ kurortlari maʼmuriyati turizm, madaniy-sogʻlomlashtirish yoʻnalishida qoʻshma loyihalarni amalga oshirish uchun barcha mavjud mexanizmlardan foydalanadi”, - deyiladi xabarda.
“Qoʻshma chegirma dasturlarini ishlab chiqish va amalga oshirish Oʻzbekiston va Rossiya kurortlarini ommalashtirishga xizmat qiladi”, - deydi “Amirsoy” MCHJ QK bosh direktori Saidvali Saidxoʻjayev.
Unga koʻra, dam olish maskanlaridan birida haftalik “Ski-pass”ni (yoʻllanma) xarid qilgan sayyohlar hamkor kurortda haftalik bepul yoʻllanmani olish huquqiga ega boʻladi.
“Imzolangan memorandum hamkorligimizni boshlab berdi va endi biz Oʻzbekiston va Rossiya sayyohlik bozorlarida yangi yoʻnalishlarni ochamiz”, deydi “Roza Xutor”ning xalqaro aloqalar va turizm boʻyicha bosh direktor oʻrinbosari Sergey Xvorostyaniy.
Samarqand va Chelyabinsk sayyohlik kompaniyalari hamkorlikni yanada rivojlantirishadi
Maʼlumot uchun, “Roza Xutor” togʻ kurorti 2014 yili Sochida boʻlib oʻtgan XXII Olimpiya va XI Qishki Paralimpiya oʻyinlarining asosiy maskani boʻlgan.
Qish mavsumida kurort sayyohlarga umumiy uzunligi 105 kilometr boʻlgan changʻi yon bagʻirlarini, 32 ta koʻtargich, yozda esa togʻ yon bagʻirlari boʻylab piyoda va velosport yoʻnalishlarini taklif etadi.
Hammasi boʻlib, kurortda turli yulduz reytingidagi 19 ta mehmonxona mavjud.
2019 yil dekabrda Toshkentdan 70 kilometr uzoqlikdagi Boʻstonliq tumanida “Amirsoy” togʻ-changʻi kurorti foydalanishga topshirilgandi. Uning birinchi bosqichdagi qurilishiga 100 mln dollar sarmoya kiritilgan.
Loyiha “PGI management” kompaniyasi (Andorra) tomonidan amalga oshirilgan. Hammasi boʻlib, kurortda turli qiyinchilikdagi 10 qiyalik bor. Ularning eng uzuni taxminan 3,5 kilometrni tashkil qiladi.
Yangiliklar lentasi
0