Jamiyat

Oʻzgidromet ikkita shoshilinch xabar bilan murojaat qildi

© Foto : PixabayKrupnыe kapli dojdya padayut na asfalt
Krupnыe kapli dojdya padayut na asfalt - Sputnik Oʻzbekiston, 1920, 25.05.2022
Obuna boʻlish
Yandex newsTelegram
27-28 may kunlari baʼzi joylarda kuchli yomgʻir yogʻishi mumkin. Kuchli yomgʻirlar yogʻishi sababli respublikaning togʻli hududlarida sel kelish xavfi bor.
TOSHKENT, 25 may — Sputnik. 26 may kuni Oʻzbekistonning shimoliy hududlariga, 27-28 may kunlari respublikaning barcha hududlariga Kavkaz hududlaridan nam va nisbatan salqin havo kirib keladi, deb xabar bermoqda Oʻzgidromet.
27-28 mayda respublika hududi boʻyicha, 29 mayda togʻoldi va togʻli hududlarda vaqti-vaqti bilan yomgʻir yogʻadi, momaqaldiroq boʻlishi mumkin. Toshkent, Samarqand, Jizzax, Qashqadaryo, Surxondaryo viloyatlari va Fargʻona vodiysi viloyatlarining togʻ oldi va togʻli hududlarida 27-28 may kunlari baʼzi joylarda kuchli yomgʻir yogʻishi mumkin.
26 mayda Qoraqalpogʻistonda, Xorazm, Buxoro, Navoiy, Qashqadaryo viloyatlarida, choʻl hududlarida va janubida, 27-29 mayda respublika boʻyicha baʼzi joylarda shamol 18-23 m/s gacha kuchayishi, ayrim joylarda chang toʻzonlari kuzatilishi kutilmoqda.
27 mayda Oʻzbekistonning shimolida va choʻl hududlarida, 28 mayda hududlarning katta qismida kunduzgi havo harorati +21...+26 darajagacha pasayadi.
Shuningdek, 27-29 may kunlari kutilayotgan kuchli yomgʻirlar yogʻishi sababli respublikaning togʻoldi va togʻli hududlarida, jumladan:
Qashqadaryo viloyati: Yakkabogʻ, Dehqonobod, Chiroqchi, Kitob, Shahrisabz, Qamashi, Gʻuzar, Koson;
Surxondaryo viloyati: Sariosiyo, Uzun, Oltinsoy, Denov, Boysun, Sherobod, Shoʻrchi, Qumqorgʻon, Muzrobot;
Samarqand viloyati: Urgut, Samarqand, Bulungʻur, Nurobod, Qoʻshrabot, Kattaqoʻrgʻon, Payariq, Jomboy, Ishtixon;
Navoiy viloyati: Xatirchi, Navbahor, Nurota, Konimex, Karmana tumanlarida;
Jizzax viloyati: Zomin, Baxmal, Gʻallorol, Sharof Rashidov, Forish, Yangiobod tumanlarida;
Toshkent viloyati: Ohangaron, Boʻstonliq, Parkent, Pskent, Oʻrta Chirchiq, Yuqori Chirchiq tumanlarida va Angren, Olmaliq shaharlarida;
Namangan viloyati: Pop, Kosonsoy, Chortoq, Chust, Namangan, Yangiqurgʻon tumanlarida;
Fargʻona viloyati: Soʻx, Fargʻona, Beshariq tumanlarida;
Andijon viloyati: Andijon, Asaka, Jalalquduk, Qoʻrgʻontepa, Paxtaobod, Izboskan, Xoʻjaobod, Marhamat tumanlarida va Xonobod shahrida sel-suv toshqin hodisalari yuzaga kelishi mumkin.
“Togʻoldi va togʻli xududlarda istiqomat qiluvchi fuqarolarni, dam oluvchilarni hamda togʻli hududlarda harakatlanuvchi haydovchilarni ehtiyotkorlik choralarini koʻrishlarini soʻraymiz”, - deyilgan xabarda.
Yangiliklar lentasi
0