Rossiyaga “orgnabor” doirasida kelayotgan o‘zbekistonlik migrantlar soni ko‘payishi mumkin

© Sputnik / Mixail Golenkov / Mediabankka o‘tishOcheredi migrantov v UFMS
Ocheredi migrantov v UFMS - Sputnik O‘zbekiston, 1920, 25.05.2022
Obuna bo‘lish
Pilot loyihasi doirasida O‘zbekistondan Rossiyaga kelishi mumkin bo‘lgan migrantlar soniga bo‘lgan cheklovni olib tashlash taklif qilinmoqda.
TOShKENT, 25-may — Sputnik. Rossiyaga pilot loyiha doirasida mamlakatga kirishi mumkin bo‘lgan o‘zbekistonlik migrantlar soniga qo‘yilgan cheklovni olib tashlash taklif qilinmoqda. Rossiya Mehnat vazirligi tegishli taklif bilan chiqqan.
Hozir pilot loyiha doirasida 10 ming nafar O‘zbekiston fuqarosi Rossiyaga ishlashga bora oladi. O‘zbekiston va Rossiya tegishli kelishuvga 2021-yil oktabrida erishgan edi.
Shuningdek, idora tarmoq tamoyilini bekor qilish tarafdori — hozircha mamlakatdan ishchi kuchi importi uchun faqat qurilish sektori va agrosanoat kompleksi korxonalari ariza berishlari mumkin, endilikda tajriba doirasida iqtisodiyotning boshqa tarmoqlari tashkilotlariga ham ruxsat berish taklif qilinmoqda.
Shu bilan birga, pilot loyihaning maqsadli ishtiroki saqlanib qoladi: ishchilar aniq ish beruvchining talabidan kelib chiqib jalb etiladi.
Rossiya O‘zbekistondan qishloq xo‘jaligi korxonalari uchun ishchi so‘radi
Eslatib o‘tamiz, o‘tgan yilning noyabr oyida O‘zbekiston fuqarolarini Rossiya Federatsiyasiga yuborish bo‘yicha pilot loyihasi boshlangandi.
Loyiha doirasida nomzodlarni ishga jalb qilish bilan bog‘liq, jumladan, tibbiy ko‘rikdan o‘tkazish, emlash, rus tili, Rossiya qonunchiligi bo‘yicha imtihon topshirish, patent rasmiylashtirish va transport xarajatlari ish beruvchilar tomonidan qoplanadi.
Dekabr oyida Rossiya Qishloq xo‘jaligi vazirligi respublikaning mingdan ziyod fuqarolarini o‘sha pilot loyiha doirasida agrosanoat majmualari korxonalaridagi ishlarga jalb qilish to‘g‘risida hukumat qarori loyihasini tayyorlagandi.
Qayd etilishicha, ishga joylashish uchun fuqarolarga maxsus tibbiyot kartasi lozim bo‘ladi. Hujjat oziq-ovqat mahsulotlarini qayta ishlash korxonalariga kirish uchun zarur.
Ishchilar sabzavotchilik, bog‘dorchilik, parrandachilik, chorvachilik hamda oziq-ovqat va qayta ishlovchi sanoatga kerak.
Yangiliklar lentasi
0