Sport

Toshkentda ogʻir atletika boʻyicha Osiyo chempionati oʻtkaziladi

Obuna boʻlish
Yandex newsTelegram
Musobaqada Oʻzbekiston nomidan 40dan ziyod sportchilar ishtirok etishi kutilmoqda.
TOSHKENT, 25 may — Sputnik. Toshkent shahri 15−25 iyul kunlari ogʻir atletika boʻyicha oʻsmirlar va yoshlar oʻrtasida qitʼa chempionatiga mezbonlik qiladi. Bu haqda OʻzA xabar berdi.
Qayd etilishicha, seshanba kuni Osiyo ogʻir atletika federatsiyasi Toshkentda oʻtadigan chempionatda ishtirok etuvchi sportchilar toʻgʻrisidagi talabnomalar muddati yakunlanganini eʼlon qilgan.
Taqdim etilgan talabnomalarga koʻra, 25 ta davlatdan 400 nafardan ziyod ishtirokchi toʻgʻrisidagi maʼlumotlar jamlangan. Bunda yoshlar 250 nafarni, oʻsmirlar 200 nafarga yaqinni tashkil etgan. Oʻzbekiston ushbu chempionatda 40 nafardan ziyod sportchi bilan qatnashish boʻyicha taqdimnoma kiritgan.
Qayd etilishicha, 24 may kuni Osiyo chempionatini oʻtkazish tashkiliy qoʻmitasi musobaqa logotipini ham eʼlon qilgan.
Maʼlumot uchun, Gretsiyada boʻlib oʻtgan yoshlar oʻrtasida ogʻir atletika boʻyicha jahon chempionatida oʻzbekistonlik Tursunoy Jabborova -87 kg vazn toifasida dast koʻtarish va siltab koʻtarish mashqlarida oltin medalni qoʻlga kiritib, umumiy 238 kg natija bilan Jahon chempioni boʻldi va terma jamoa hisobiga uchta oltin medal olib kelgan edi.
Yangiliklar lentasi
0