Iqtisod

Dorivor oʻsimliklarning yangi plantatsiyalari barpo etiladi

© Sputnik / Yevgeniya Novojenina / Fotobankka oʻtishTeplaya pogoda
Teplaya pogoda  - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Oʻzbekistonda 4984 gektar maydonda dorivor oʻsimliklar plantatsiyalari barpo etiladi.
TOSHKENT, 26 may — Sputnik. Shu yilning oʻzida oʻrmon xoʻjaliklari tomonidan 4984 gektar maydonda dorivor oʻsimliklar plantatsiyalari barpo etiladi. Bu haqda AOKAda oʻtkazilgan brifingda Dorivor oʻsimliklar yetishtirish va qayta ishlash markazi direktori Gʻayrat Joʻrayev maʼlum qildi.
Aytilishicha, 8555 tonna dorivor oʻsimliklar xom-ashyosini tayyorlash ham rejalashtirilgan.
“Qoʻmita tizimdagi 54 ta davlat oʻrmon xoʻjaliklari tomonidan 195,1 gektar maydonda 8 turdagi (lavanda, rozmarin, mavrak, timyan, godji va boshq) noyob dorivor oʻsimliklarning tajriba plantatsiyalari barpo etildi”, deydi Gʻayrat Joʻrayev.
Shuningdek, yangi Gʻallaorol, Kogon va Urgut ixtisoslashtirilgan davlat oʻrmon xoʻjaliklari tashkil etildi. Tuman hokimlarining qarorlari bilan yangi tashkil etilgan Gʻallaorol ixtisoslashgan davlat oʻrmon xoʻjaligiga 37870 gektar, Kogonga 1000 gektar hamda Urgutga 10577 gektar yer maydonlari ajratilib berildi.
Maʼlumot uchun, hozirgi kunda Respublikada 120 turdan ortiq dorivor oʻsimliklar rasmiy tabobatda foydalanishga ruxsat berilgan. Oʻsimliklar tabiiy holda yigʻib olinadi va madaniy holda oʻrmon fondi yerlarida yetishtiriladi.
Prezidentning PF-139-sonli farmoniga muvofiq, 2022 yildan 2026 yilgacha 36 ming gektar maydonda yangi dorivor oʻsimliklar qizilmiya, zaʼfaron, kavrak, lavanda, steviya, moychechak, naʼmatak, ravoch, mavrak, dalachoy, togʻrayhon, boʻymadaron, kiyik oʻti, kovul, qalampir yalpiz va boshqa dorivor oʻsimliklar plantatsiyalari tashkil etiladi.
Yangiliklar lentasi
0