Jamiyat

Ijtimoiy himoyaga muhtojlarga yordam puli beriladi - prezident qarori

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Nafaqaxoʻrlar va aholining ijtimoiy himoyaga muhtoj qatlamlariga bir martalik yordam puli va moddiy yordam koʻrsatiladi.
TOSHKENT, 26 may - Sputnik. Ijtimoiy himoyaga muhtoj fuqarolarga bir martali yordam puli beriladi. Bu haqida 25 may kuni imzolangan prezident qarorida aytib oʻtilgan.
Xususan q uyidagi toifalarga bir martalik moddiy yordam koʻrsatiladi:
a) yoshga doir, nogironlik pensiyasi va nafaqasini oluvchilarga, bolalikdan nogironlik nafaqasini hamda boquvchisini yoʻqotganlik pensiyasini va nafaqasini oluvchi har bir oila aʼzosiga hamda oʻzgalar parvarishiga muhtoj nogironligi boʻlgan 18 yoshgacha bolalarning parvarishlash nafaqasini oluvchilarga:
Viloyatlar va Qoraqalpogʻiston Respublikasida – 300 ming soʻmdan;
Toshkent shahrida – 400 ming soʻmdan.
b) “Ijtimoiy himoya yagona reyestri” axborot tizimi orqali kam taʼminlangan sifatida moddiy yordam oluvchi oilalarga hamda kam taʼminlangan sifatida bolalar nafaqasini oluvchi oilalarning har bir 18 yoshga toʻlmagan bolasiga – 200 ming soʻmdan.
Bir nechta toifa boʻyicha bir martalik moddiy yordam olish huquqiga ega boʻlgan shaxslarga bir martalik moddiy yordam har bir toifa boʻyicha toʻlab beriladi.
Tegishli markaziy va mahalliy boshqaruv organlari, banklar ushbu qarorda belgilangan bir martalik moddiy yordam toʻlovlarining ikki hafta muddatda toʻliq toʻlanishini taʼminlasin.
Ushbu bir martalik moddiy yordam pullarini oʻz vaqtida ololmagan fuqarolar toʻlanmagan moddiy yordam pullarini 2022 yil 1 sentyabrga qadar olish huquqiga ega.

Boshqa moddiy yordam

Undan tashqari ushbu qaror bilan quyidagi toifalarga bepul un tarqatish ham belgilangan.
a) “Temir daftar”ga kiritilgan va hamda mazkur qarorga asosan bir martalik moddiy yordam pullarini olmagan ehtiyojmand oilalarning har bir aʼzosiga 20 kilogrammdan bepul un tarqatiladi. “Saxovat va koʻmak” jamgʻarmasi mablagʻlari hisobidan.
b) ijtimoiy ahvoli ogʻir boʻlgan oilalarga “Saxovat va koʻmak” jamgʻarmasi va boshqa manbalar hisobidan bepul un tarqatishni yoki naqd pul koʻrinishida moddiy yordam koʻrsatib borishni taʼminlasin.
Yangiliklar lentasi
0