Jamiyat

Jizzax viloyati delegatsiyasi Sankt-Peterburgda boʻldi

© Sputnik / Aleksandr GalperinSankt-Peterburg - gorod-organizator Chempionata mira 2018 goda
Sankt-Peterburg - gorod-organizator Chempionata mira 2018 goda - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Jizzax viloyati delegatsiyasi Sankt-Peterburgda Migratsiya markazi, oʻzbekistonlik talabalar oʻqiydigan universitet hamda Leningrad viloyati rasmiylari bilan uchrashdi.
TOSHKENT, 26 may — Sputnik. Jizzax viloyati hokimining birinchi oʻrinbosari A.Mustanov boshchiligidagi delegatsiyasi Sankt-Peterburgga tashrif buyurdi. Bu haqda “Dunyo” AA xabar berdi.
Tashrifdan koʻzlangan asosiy maqsad Rossiyada vaqtinchalik mehnat qilayotgan oʻzbekistonliklar holidan xabar olish, ularning muammolarini oʻrganish va hal etishga koʻmaklashishdan iborat.
Delegatsiyasi aʼzolari “Bronka Grupp” xoldingiga qarashli Yagona migratsiya markazidagi fuqarolarga koʻrsatilayotgan xizmat turlari bilan tanishishdi.
“Ayni vaqtga qadar ushbu markazga 600 mingga yaqin murojaatlar kelib tushgan. Ularning 70 foizi oʻzbekistonlik fuqarolar hissasiga toʻgʻri keladi”, deyiladi xabarda.
Hozirda markaz tomonidan fuqarolarga qulaylik yaratish, turli firibgarlik holatlarining oldini olish maqsadida “PatentMobile” mobil ilovasi yaratilmoqda.
Ilova oʻzbek, rus va tojik tillarida ishlaydi. Unda toʻgʻridan-toʻgʻri markaz orqali patent, vaqtinchalik roʻyxat va tibbiy koʻrikdan oʻtish uchun navbatga yozilish mumkin boʻladi. Shuningdek, har oylik patent toʻlovlarini ham amalga oshirish imkoniyati beriladi.
Shu bilan birga, delegatsiya aʼzolari Sankt-Peterburg boshqaruv texnologiyalari va iqtisodiyoti universiteti prorektori V.YA.Dmitriyev hamda oʻzbekistonlik talabalar bilan ham uchrashishdi.
Maʼlum boʻlishicha, universitetda 63 nafar oʻzbek talabasi bakalavr va magistr yoʻnalishlarda tahsil olmoqda.
Delegatsiyasi aʼzolari Leningrad viloyati Mehnat va aholini ish bilan taʼminlash qoʻmitasi raisining oʻrinbosari YU.Nikiforov bilan uchrashdi. Unda tomonlar mehnat migrantlarini viloyatga qurilish va boshqa obʼyektlarga jalb qilish kabi masalalarni muhokama qilishdi.
Ushbu safar doirasida Bosh konsullik binosida oʻzbek diaspora tashkilotlari rahbarlari va uzoq yillardan buyon Sankt-Peterburgda yashayotgan Oʻzbekiston fuqarolari bilan ham uchrashuv tashkil etildi.
Yangiliklar lentasi
0