Jamiyat

Oʻzbekistonlik olimlar ekinlar kasalliklariga qarshi muqobili yoʻq vosita yaratishdi

© Sputnik / Ilya Naymushin / Fotobankka oʻtishSbor urojaya zerna
Sbor urojaya zerna - Sputnik Oʻzbekiston, 1920, 26.05.2022
Obuna boʻlish
Yandex newsTelegram
“Kuprumxit” preparati gʻallaning qorakuya kasalligida, shuningdek, mevali daraxtlardagi kasalliklarni oldini olish va davolashda 80-85% biologik faollikka ega.
TOSHKENT, 26 may — Sputnik. Fanlar akademiyasi Polimerlar kimyosi va fizikasi instituti olimlari ilk bora dunyo bozorida muqobili boʻlmagan “Kuprumxit”preparatni ishlab chiqarish texnologiyasini yaratishdi. Bu haqda Fanlar akademiyasi xabar berdi.
Ushbu preparat gʻoʻza va bugʻdoy oʻsimliklari urugʻlarini ekish oldidan ishlov berishda hamda kasallanish holatlarini oldini olishda 0,5 % eritma shaklida qoʻllaniladi.
“Qishloq xoʻjaligi ekinlari oʻsimliklari urugʻlarini polimer shaklli preparat bilan kapsulalab ekish natijasida urugʻni noqulay ob-havo sharoitlaridan himoya qiluvchi polimer plyonka hosil boʻladi”, - deyiladi xabarda.
Gʻoʻza va bugʻdoy urugʻlarini ushbu preparat bilan kapsulalab ekishda 20 l/t maqbul sarf meʼyori sifatida aniqlangan.
Preparat gʻallaning qorakuya kasalligida, shuningdek, mevali daraxtlarda – Monilia fructicola, Monilia fructiigena zamburugʻlari chaqiruvchi monolioz kasalligini oldini olish va davolashda 80-85% biologik faollikka ega.
Oʻzbekistonlik olimlar yangi biostimulyator yaratishdi
Yangiliklar lentasi
0