Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Parhezshunos erkaklar uchun foydali nonushtani aytdi

Zavtrak - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Qanday oziq-ovqatlar nonushta uchun koʻproq foydali? Bu borada parhezshunos salomatlik uchun yengil va foydalilarini maʼlum qildi.
Nonushta ovqat isteʼmol qilishning eng muhim davri hisoblanadi. Tongda isteʼmol qiladigan mahsulotlarimiz tarkibida barcha asosiy nutriyentlar- oqsillar, yogʻlar, uglevodlar, shuningdek kletchatka boʻlishi shart deydi shifokor-parhezshunos, gastroenterolog Nuriya Dianova Sputnik radiosiga bergan intervyusida. Tuxum, non va sabzavotlardan foydali va hamyonbop nonushta tayyor boʻlishi mumkin.
“Agar nonushtada asosiy mahsulot tuxum boʻlsa, bu yaxshi. Chunki u hayvon oqsillarining eng yaxshisi. U tez hazm boʻladi va dengiz mahsulotlari, tvorog va goʻshtga qaraganda ancha hamyonbop. Nonushtada ayollar bitta, erkaklar esa koʻpi bilan ikkita tuxum isteʼmol qilishi mumkin. Shu bilan birga oq emas, balki javdar non isteʼmol qilish lozim. Tuxum bilan sabzavotli turli yengil ovqat yoki salat isteʼmol qilish ham yaxshi. Aytaylik, uyda tayyorlangan lecho, sabzavotlar, tuzlangan karam. Bu ideal va qimmat boʻlmagan nonushta”.
Parhezshunosning aytishicha, erkaklar uchun eng foydali nonushta dimlab pishirilgan pomidor qoʻshib tayyorlangan omlet boʻlishi mumkin. Uning soʻzlariga koʻra, pomidor tarkibidagi likopin moddasi prostata bezi faoliyatiga yaxshi taʼsir koʻrsatadi.
Suli boʻtqasi - yana bir foydali mahsulot. Toʻyimli boʻlishi uchun uni mevalar: banan, olma, apelsin yoki pishloq bilan isteʼmol qilish mumkin.
Nonushta tayyorlashda dangasalar uchun esa myusli eng yaxshi variant. Tarkibida quritilgan banan, rezavorlar solingan myuslini tanlash kerak. Yogurt, sut, tuxum, pishloq va kletchatka uchun banan bilan isteʼmol qilish mumkin.
Parhezshunos qiyomli yormalarni nonushtada isteʼmol qilishni tavsiya qilmaydi. Chunki ular ochlik hissini tez chaqiradi va qonda glyukoza miqdorini oshiradi.
Yangiliklar lentasi
0