Iqtisod

Jahonda neft narxi oshishi Oʻzbekistonga salbiy taʼsir koʻrsatmoqda

© Sputnik / Kirill Kallinikov / Fotobankka oʻtishRabota AZS v Moskve
Rabota AZS v Moskve - Sputnik Oʻzbekiston, 1920, 27.05.2022
Obuna boʻlish
Yandex newsTelegram
Toshkent shahridagi yirik AYOQShlarda 1 litr AI-80 markali benzin 6 800 soʻmdan 7 400 soʻmgacha sotilmoqda.
TOSHKENT, 27 may — Sputnik. Butun jahonda neft narxining keskin narx oshishi Oʻzbekistondagi avtobenzin narxiga ham salbiy taʼsir koʻrsatmoqda. Bu haqda “Oʻzbekneftgaz” AJ xabar berdi.
Jahon bozorida Brent markali neft narxining oʻzgarishi butun dunyodagi benzin va boshqa neft mahsulotlarining narxlarini oʻsishi yoki tushishiga taʼsir etmoqda.
“Narxlar tebranishini oldini olish uchun Oʻzbekistonda ishlab chiqarish koʻrsatkichlari oshirilib, qayta ishlash boʻyicha yangi imkoniyatlar ishga solinmoqda”, deyiladi xabarda.
Aytilishicha, “Oʻzbekneftgaz” AJ tomonidan tabiiy gaz, neft va gaz kondensati qazib chiqarish, neft-gaz mahsulotlarini ishlab chiqarish boʻyicha belgilangan prognoz koʻrsatkichlari ijrosi bajarilgan.
Hozirda isteʼmolchilarning tabiiy va suyultirilgan gaz, neft mahsulotlariga boʻlgan talabini qondirish uchun barcha kuchlar va zaxiralar safarbar etilmoqda.
“Bu esa oʻz navbatida, Respublikada neft va gaz mahsulotlariga, shu jumladan avtobenzin mahsulotiga, ortib borayotgan talabni qondirish hisobiga narxlarning barqarorligini taʼminlashga ijobiy taʼsirini koʻrsatadi”, deyiladi xabarda.
Maʼlumot uchun, hozirda AQShda benzin rekord darajada qimmatladi. Yevropa davlatlarida bir litr benzin narxi 2.242-2.564 dollarni tashkil etmoqda. Lekin narxlarning oshib borishi toʻxtagani yoʻq.
Yil boshiga nisbatan neft xom ashyosi kotirovkasi 1,3 barobarga (1 barreli uchun 115 dollar), Yevropa davlatlarida AYOQShdagi benzin chakana narxi 1,2 – 2,0 barobarga oshib tarixiy antirekordlar yangilandi.
“Oʻzbekneftgaz” AJ boʻyicha 2022 yilning 5 oyligida 657,5 ming tonna suyuq uglevodorodlar qazib chiqarildi. Ishlab chiqarilgan avtobenzin esa 381,4 ming tonnani tashkil etdi.
AI-80 markali avtomobil benzinining birja savdolaridagi oʻrtacha narxi yil boshida 1 tonnasi uchun 7,0 – 7,3 mln soʻm (1 litri uchun 5 300 – 5 500 soʻm) miqdorida boʻlgan boʻlsa, bugungi kunda 8,4 – 8,7 mln soʻm (1 litri uchun 6 300 – 6 500 soʻm) miqdorida shakllanmoqda.
Toshkent shahridagi yirik AYOQShlarda 1 litr AI-80 markali avtobenzin narxi quyidagicha kuzatilmoqda: UNG Petro – 6 800 soʻm, IBR, Miss, Poytaxt Oil – 6 800 soʻm, Mustang – 6 900 soʻm, LUK Oil – 6 990 soʻm, Intran servis – 7 000 soʻm, TAT neft – 7 400 soʻm.
Yangiliklar lentasi
0