Rossiya

Rossiya oziq-ovqat inqirozini hal qilishga oʻz hissasini qoʻshishi mumkin - Putin

© Sputnik / POOL / Fotobankka oʻtish Prezident RF Vladimir Putin
 Prezident RF Vladimir Putin - Sputnik Oʻzbekiston, 1920, 27.05.2022
Obuna boʻlish
Yandex newsTelegram
Dunyoda oziq-ovqat xavfsizligi bilan bogʻliq vaziyat AQSH va Yevropa Ittifoqi tomonidan kiritilgan Rossiyaga qarshi cheklovlar tufayli keskinlashdi - Putin.
TOSHKENT, 26 may — Sputnik. Dunyoda oziq-ovqat xavfsizligi bilan bogʻliq muammolar AQSH va YEI tomonidan Rossiyaga qarshi sanktsiyalar tufayli keskinlashdi, dedi Rossiya prezidenti Vladimir Putin Italiya bosh vaziri Mario Dragi bilan suhbatda. Suhbat tafsilotlarini Kreml matbuot xizmati eʼlon qildi.
“Vaziyat AQSH va Yevropa Ittifoqi tomonidan kiritilgan Rossiyaga qarshi cheklovlar tufayli keskinlashdi. Biroq, agar Gʻarb Rossiyadan siyosiy sabablarga koʻra cheklovlarni olib tashlasa, mamlakat gʻalla va oʻgʻit eksporti orqali oziq-ovqat inqirozini yengib chiqishga katta hissa qoʻshishga tayyor”, degan Putin.
Suhbat chogʻida Putin Rossiyani jahon bozorlariga qishloq xoʻjaligi mahsulotlarini yetkazib berish bilan bogʻliq muammolarda asossiz ayblanayotganini ham taʼkidladi. Uning soʻzlariga koʻra, yuzaga kelgan qiyinchiliklar, jumladan, ishlab chiqarish va logistika zanjirlari faoliyatidagi nosozliklar pandemiya davrida Gʻarb davlatlarining moliyaviy siyosati bilan bogʻliq.
“Energetika xavfsizligi masalalari muhokama qilinayotganda Rossiya tomonining shartnomalarda belgilangan narxlarda Italiyaga tabiiy gazni uzluksiz yetkazib berishni davom ettirish tayyorligi tasdiqlandi”, deyiladi xabarda.
Yangiliklar lentasi
0