Dunyoda

Abe Ukrainada maxsus operatsiya boshlanishiga Zelenskiy siyosati sabab boʻlganini aytdi

© Sputnik / Grigoriy SыsoyevSindzo Abe, arxivnoye foto
Sindzo Abe, arxivnoye foto - Sputnik Oʻzbekiston, 1920, 29.05.2022
Obuna boʻlish
Yandex newsTelegram
Sobiq Yaponiya bosh vaziri: Zelenskiyning NATO va Donbass boʻyicha pozitsiyasi Ukrainadagi mojaroni keltirib chiqardi.
TOSHKENT, 29 may — Sputnik. Ukraina prezidenti Vladimir Zelenskiyning mamlakatning NATOga kirishiga oid pozitsiyasi va Donbassdagi mojaroni tartibga solishdan bosh tortishi Rossiya maxsus operatsiyasi boshlanishiga sabab boʻldi, deb hisoblaydi sobiq Yaponiya bosh vaziri Sinzdo Abe. U bu haqda “Economist” nashriga bergan intervyusida maʼlum qildi.

“Ehtimol, agar Ukraina prezidenti Vladimir Zelenskiyni uning mamlakati NATOga qoʻshilmasligiga vaʼda berishga yoki sharqdagi ikki anklavga yuqori darajadagi muxtorlikni taqdim etishga majbur qilishning iloji boʻlganida harbiy xatti-harakatlarning oldini olish mumkin boʻlardi”, - dedi Abe. Uning soʻzlaridan RIA Novosti iqtibos keltirgan.

Sobiq Yaponiya bosh vaziri Zelenskiyning pozitsiyasini oʻzgartirishga erishish oson boʻlmagan boʻlishini taʼkidladi. Abe Ukraina yetakchisiga uning amerikalik hamkasbi Jo Bayden taʼsir koʻrsata olgan boʻlardi deb hisoblaydi.
“Biroq, Zelenskiy, albatta, bosh tortgan boʻlardi”, - deya xulosa qildi siyosatchi.
Gʻarb siyosati "oqsoqollari" bahsi: realist Kissinjer globalist Sorosga qarshi
Rossiya 24 fevral kuni Ukrainada maxsus harbiy operatsiya boshlanganini eʼlon qildi. Prezident Vladimir Putin ushbu operatsiyaning maqsadi "sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yoʻq qilish) va denatsifikatsiya (millatchilik gʻoyalaridan tozalash) qilish talab etiladi.
Mudofaa vazirligi bayonotiga koʻra, Qurolli Kuchlar faqat harbiy infratuzilma va Ukraina qoʻshinlariga zarba bermoqda. 25 martga kelib ular birinchi bosqichning asosiy vazifalarini bajarishdi - Ukrainaning jangovar salohiyatini sezilarli darajada kamaytirishdi.
Rossiya Mudofaa vazirligi endi asosiy maqsad - Donbassni ozod qilish ekanini taʼkidlagan.
Yangiliklar lentasi
0