Jamiyat

Nogironligi boʻlgan shaxslarning yer uchastkalarini sotib olish xarajatlari qoplab beriladi

© Sputnik / Zafar XalilovSum
Sum - Sputnik Oʻzbekiston, 1920, 29.05.2022
Obuna boʻlish
Yandex newsTelegram
Yangi qonun bilan ijtimoiy himoyaga muhtoj ayrim aholi qatlamlari uchun bir qator kafolatlar belgilanmoqda.
TOSHKENT, 29 may — Sputnik. Oʻzbekistonda nogironligi boʻlgan shaxslarning yer uchastkalarini sotib olish xarajatlari qoplab beriladi. Senat yigirma oltinchi yalpi majlisni buni koʻzda tutuvchi tegishli qonunni maʼqulladi.
Qonunda ijtimoiy himoyaga muhtoj ayrim aholi qatlamlari uchun bir qator kafolatlar ham belgilanmoqda.
Xususan, nogironligi boʻlgan shaxslar va ularning oilasi elektron onlayn-auktsionlardan yer uchastkalarini sotib olishi bilan bogʻliq xarajatlari davlat tomonidan qoplab beriladi.
Qonun bilan Yer kodeksiga kiritilayotgan oʻzgarishlarga muvofiq, ochiq elektron tanlov orqali qishloq xoʻjaligiga moʻljallangan yerlarni ijaraga berish huquqini qoʻlga kiritgan shaxslarga oʻsha hudud hokimining tasdigʻi talab etilmaydi.
Shuningdek, yer uchastkalaridan maqsadsiz foydalanganlarni oʻz vaqtida aniqlash hamda chora koʻrish masʼuliyati Davlat soliq qoʻmitasi huzuridagi Kadastr agentligi organlariga yuklatilmoqda.
Kadastr agentligi organlari yer uchastkalaridan maqsadsiz foydalanish holatlarini aniqlagan taqdirda, ushbu yer uchastkalariga boʻlgan huquqni bekor qilish haqida sudga daʼvo arizasi kiritadi.
Yer uchastkalarini badal evaziga jamoat ehtiyojlari uchun olib qoʻyish tartibi belgilanmoqda
Yangiliklar lentasi
0