Jamiyat

Ayrim toifadagilarga bir martalik yordam puli berilishi xabaridan soʻng firibgarlar faollashdi

© PixabayChelovek v naruchnikax i klaviatura
Chelovek v naruchnikax i klaviatura - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Firibgarlar bank kartalariga egalariga toʻlovni olishlari uchun SMS-kodni tasdiqlashn taklif qilib, ular kartalaridagi pulni yechib olishga urinishmoqda.
TOSHKENT, 30 may — Sputnik. Uzcard prezident Shavkat Mirziyoyevning aholining ijtimoiy himoyaga muhtoj qatlamiga bir martalik yordam puli berish toʻgʻrisidagi qarori eʼlon qilinganidan soʻng firibgarlar faollashganidan ogohlantirdi.
Qayd etilishicha, firibgarlar fuqarolardan turli xil havolalarga oʻtib, oʻz kartalariga bu toʻlovni olishlari uchun SMS-kodni tasdiqlashni taklif qilishmoqda.
Kompaniya qarorda gap bir martalik yordam haqida borganini taʼkidlagan.
“Toʻlovlar fuqarolardan qoʻshimcha maʼlumot talab qilmasdan, avtomatik tarzda amalga oshiriladi - xuddi pensiya va nafaqalar odatda toʻlanadigani kabi”, - deyilgan xabarda.
Uzcard foydalanuvchilaridan hushyor boʻlish va faqat rasmiy axborot manbalarga ishonishni soʻragan.
Eslatib oʻtamiz, prezidentning 25 maydagi qarori bilan yoshga doir, nogironlik pensiyasi va nafaqasini oluvchilarga, bolalikdan nogironlik nafaqasini hamda boquvchisini yoʻqotganlik pensiyasini va nafaqasini oluvchi har bir oila aʼzosiga hamda oʻzgalar parvarishiga muhtoj nogironligi boʻlgan 18 yoshgacha bolalarning parvarishlash nafaqasini oluvchilarga Qoraqalpogʻiston Respublikasi va viloyatlarda 300 ming soʻmdan, Toshkent shahrida 400 ming soʻmdan bir martalik yordam puli berish belgilangan.
Shuningdek, "Ijtimoiy himoya yagona reyestri" axborot tizimi orqali kam taʼminlangan sifatida moddiy yordam oluvchi oilalarga hamda kam taʼminlangan sifatida bolalar nafaqasini oluvchi oilalarning har bir 18 yoshga toʻlmagan bolasiga 200 ming soʻmdan toʻlanadi.
Yangiliklar lentasi
0