Jamiyat

Bolalar kuni munosabati bilan pul tarqatilayotgani haqidagi xabarlar rad etildi

© Sputnik / Zafar XalilovSum
Sum - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Ijtimoiy tarmoqlarda 1 iyun — Xalqaro bolalarni himoya qilish kuniga prezidentdan sovgʻa sifatida barcha bolalarga 200 ming soʻmdan pul berilishi toʻgʻrisida xabarlar tarqaldi.
TOSHKENT, 30 may — Sputnik. Oʻzbekistonda 1 iyun kuni munosabati bilan hamma bolalar uchun 200 ming soʻm berilishi toʻgʻrisidagi xabarlar haqiqatga toʻgʻri kelmaydi. Bu haqda Byudjetdan tashqari pensiya jamgʻarmasi direktori Abdulaziz Haydarov AOKAda oʻtkazilayotgan matbuot anjumanida maʼlum qildi.
Haydarovning soʻzlariga koʻra, ijtimoiy tarmoqlardagi norasmiy xabarlarga ishongan fuqarolar Xalq banki kassalariga borib, mablagʻ berilishini talab qilishmoqda.
“Ijtimoiy tarmoqlarda bolalar kuni munosabati bilan pul tarqatilyapti degan mazmunda gap-soʻzlar tarqalmoqda. Ushbu xabarlar mutlaqo yolgʻon, pullar prezident qarorida belgilangan fuqarolargagina tarqatiladi”, - deydi Haydarov.
Avvalroq ayrim toifadagilarga bir martalik yordam puli berilishi xabaridan soʻng firibgarlar faollashgani xabar qilingan edi.
Eslatib oʻtamiz, prezidentning 25 maydagi qarori bilan, jumladan, faqat “Ijtimoiy himoya yagona reyestri" axborot tizimi orqali kam taʼminlangan sifatida moddiy yordam oluvchi oilalarga hamda kam taʼminlangan sifatida bolalar nafaqasini oluvchi oilalarning har bir 18 yoshga toʻlmagan bolasiga 200 ming soʻmdan bir martalik yordam puli berish belgilangan.
Yangiliklar lentasi
0