Jamiyat

Donni qabul qilish va omborlardan chiqarish boʻyicha axborot tizim ishga tushadi

© Sputnik / Vitaliy TimkivPshenitsa, sobrannaya na polyax, arxivnoye foto
Pshenitsa, sobrannaya na polyax, arxivnoye foto - Sputnik Oʻzbekiston, 1920, 30.05.2022
Obuna boʻlish
Yandex newsTelegram
d-xarid.uz axborot tizimi donni qabul qilish va omborlardan chiqarish jarayoni tezkor va shaffof amalga oshirilishini taʼminlaydi.
TOSHKENT, 30 may — Sputnik. Donni qabul qilish va omborlardan chiqarish boʻyicha d-xarid.uz axborot tizimi ishga tushiriladi. Bu prezident 28 may kuni imzolagan tegishli qarorda nazarda tutilgan.
Axborot tizim oʻz faoliyatini donni qabul qilish va omborlardan chiqarish jarayoni tezkor va shaffof amalga oshirilishini taʼminlash maqsadida olib boradi.
Qarorga koʻra, shu yil hosilidan sugʻoriladigan maydonlarning har gektaridan oʻrtacha 2,5 tonnadan jami 2 550 ming tonna bugʻdoyning:
- 1 783,5 ming tonnasi tovar bugʻdoy davlat resursi sifatida hamda 266,5 ming tonnasi urugʻlik uchun Qishloq xoʻjaligini davlat tomonidan qoʻllab-quvvatlash jamgʻarmasi mablagʻlari hisobidan xarid qilinadi;
- 500 ming tonnasi fermer xoʻjaliklari hamda boshqa gʻalla yetishtiruvchilar tomonidan keyinchalik birja savdolarida sotish uchun Jamgʻarmaning tijorat vakilida vaqtinchalik saqlashga qabul qilinadi.
2022 yil hosili uchun bugʻdoy yetishtiruvchilardan tijorat vakilida vaqtinchalik saqlash uchun qabul qilingan tovar bugʻdoy iyul-avgust oylarida birja savdolari orqali sotiladi.
Jamgʻarma mablagʻlari hisobidan xarid qilingan va bugʻdoy yetishtiruvchilardan vaqtinchalik saqlash uchun qabul qilingan:
- 3 va undan yuqori sinflardagi bugʻdoy – birjadan xarid qilingan bugʻdoyning 75 foizidan kam boʻlmagan miqdordagi unni birja savdolari orqali sotish majburiyatini olgan, un ishlab chiqarish quvvatlariga ega tadbirkorlarga;
- 4- va 5-sinflardagi bugʻdoy – barcha tadbirkorlarga Vazirlar Mahkamasi tomonidan tasdiqlangan grafik asosida birja savdolari orqali hech qanday cheklovlarsiz sotiladi.
Olis, borish qiyin boʻlgan va togʻli hududlarga un va un mahsulotlarini yetkazib berish boʻyicha transport xarajatlarining 50 foizigacha qismi qoplab beriladi.
Birinchi iyundan davlat gʻallani bozor narxlarida sotib olishni boshlaydi
Yangiliklar lentasi
0