Dunyoda

Melitopol maʼmuriyati shahar markazidagi portlashni terakt sifatida baholadi

© Sputnik / Fotobankka oʻtishMelitopol
Melitopol - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Shahar markazida joylashgan turar-joy binosi yonida gumanitar yordam olib ketayotgan avtomobil portladi.
TOSHKENT, 30 may — Sputnik. Melitopol maʼmuriyati bugun, 30 may kuni tongda shahar markazida sodir boʻlgan portlashni terakt sifatida baholadi. Bu haqda RIA Novosti xabar berdi.
“Bugun ertalab Melitopolda shaharning tinch hayotini izdan chiqarishga qaratilgan terrorchilik harakati sodir boʻldi. Ertalab soat sakkizlarda shaharning markaziy qismida portlovchi moddalar bilan toʻldirilgan avtomobil portlab ketdi. Natijada 28 yoshli qiz va 25 yoshli yigit jarohat oldi”, - deyiladi xabarda.
Maʼmuriyatning qoʻshimcha qilishicha, jarohatlangan yoshlarga Melitopol viloyatida gumanitar yordam koʻrsatilgan. Hozirda tergov harakatlari olib borilmoqda, voqea joyida sud-tibbiyot ekspertlari ishlayapti.
“Ukraina hukumati tinch aholi va shaharlar infratuzilmasiga qarshi urushni davom ettirmoqda”, - deya xulosa qildi Melitopol maʼmuriyati.
Zaporojye viloyati harbiy-fuqarolik maʼmuriyati bosh kengashi aʼzosi Vladimir Rogovning xabar berishicha, Melitopol markazidagi portlash taxminan soat 7:40 da yuz bergan. Natijada Bogdan Xmelnitskiy, Sergey Kirov va Pyotr Doroshenko koʻchalarida joylashgan uylarning derazalari titrab ketgan. Osmonga esa qora tutun koʻtarilgan.
RIA Novostining Melitopol maʼmuriyatidagi manbasiga koʻra, turar-joy binosi yonida gumanitar yordam olib ketayotgan avtomobil portlagan. Xavfsizlik kuchlari maʼmuriy binolar joylashgan Gʻalaba maydonini oʻrab olgan.
Yangiliklar lentasi
0