Sport

Nodirbek Abdusattorov BAAdagi xalqaro musobaqada gʻoliblikni qoʻlga kiritdi

© Foto: Federatsiya shaxmat UzbekistanaNodirbek Abdusattorov
Nodirbek Abdusattorov - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Shaxmatchi xalqaro turnirda 7 ochko toʻpladi va gʻolib boʻldi. Shuningdek, Abdusattorovga musobaqa sovrin jamgʻarmasi 60 ming dollar beriladi.
TOSHKENT, 30 may — Sputnik. Rapid yoʻnalishi boʻyicha eng yosh jahon chempioni Nodirbek Abdusattorov BAAning Sharja shahrida oʻtkazilgan “5th Sharjah Masters 2022” xalqaro turnir gʻolibi boʻldi. Bu haqda Sportni rivojlantirish vazirligi xabar berdi.
Ushbu turnirda 31 davlatdan 80 nafar shaxmatchi ishtirok etdi va u shveytsarcha tizim boʻyicha 9 turda oʻtkazildi. Unda Oʻzbekiston sharafini Javohir Sindarov, Nodirbek Abdusattorov, Nodirbek Yoqubboyev, Shamsiddin Vohidov va Humoyun Begmuratovlar himoya qilishdi.
Musobaqa yakunlariga koʻra, ushbu xalqaro turnirda 9 turdan keyin 7 ochko toʻplagan Nodirbek Abdusattorov chempionlikni qoʻlga kiritdi. Shuningdek, oʻzbekistonlik shaxmatchi musobaqa sovrin jamgʻarmasi 60 ming dollarga ega boʻlgan.
Shaxmat tojini ham Oʻzbekistonga olib kelamiz – Abdusattorov
Oʻzbekiston shaxmat federatsiyasi raisi Alisher Saʼdullayevning soʻzlariga koʻra, mamlakatda hozirda shaxmat boʻyicha oʻrganish va tahlillar olib borilmoqda. Tez orada bu boradagi loyiha va dasturlar eʼlon qilinadi.
Eslatib oʻtamiz, oʻtgan yili Nodirbek Abdusattorov Varshavada boʻlib oʻtgan tezkor shaxmat (rapid) boʻyicha jahon chempionatida gʻalaba qozonib, musobaqa tarixidagi eng yosh chempion boʻlgan edi. U Oʻzbekiston prezidenti farmoniga asosan “Mard oʻgʻlon” davlat mukofoti va prezident sovgʻasi sifatida 2 xonali uy bilan taqdirlangan.
Yangiliklar lentasi
0