Iqtisod

Oʻzbekistonda yetishtirilayotgan don aholi ehtiyojlari uchun yetarlimi

© Sputnik / Vitaly Timkiv / Fotobankka oʻtishCosecha de trigo en Rusia
Cosecha de trigo en Rusia - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Iyun oyida mamlakat dalalaridan 7 million tonnadan ortiq gʻallaning yangi hosilini yigʻishtirib olish rejalashtirilmoqda.
TOSHKENT, 30 may — Sputnik. Qishloq xoʻjaligi vazirligi Gʻallachilik va dukkakli don ekinlari boshqarmasi boshligʻi oʻrinbosari Abdulla Mansurov respublikada har yili qancha don yetishtirilishi va zaxiralar haqida maʼlumot berdi.
Taʼkidlanishicha, soʻnggi yillarda don eksporti amalga oshirilayotgani tufayli respublikada gʻalla urugʻchiligida yangi navlarning yaratilishiga imkoniyatlar, shart-sharoit yaratilmoqda. 50 dan ortiq gʻalla navlari davlat reyestriga kiritilgan. Gʻallachilik klasterlari, fermer xoʻjaliklari endi hududiga mos keluvchi istagan gʻalla navlarini chetdan olib kelib, uni ekish orqali yuqori hosil olishlari mumkin.
Mansurov maʼlumotlariga koʻra, 2020 yilda respublika boʻyicha oʻrtacha hosildorlik gektaridan 57 tsentnerni tashkil etgan boʻlsa, 2021 yilda 64 tsentnerga yetdi. 2022 yilda esa, gektaridan 70 tsentner don olishni rejalashtirilgan.
“Yana shuniyam aytish kerakki, maydonlarning kengayishi, hosildorlikni ortgani hisobiga respublikada oʻtgan yildagi don zaxirasi 2022 yilning avgust oyigacha yetarli. Iyun oyida esa dalalarimizdan 7 million tonnadan ortiq gʻallaning yangi hosilni yigʻishtirib olamiz. Ushbu hosil oʻtgan yildagidan 1 million tonnadan ortiq boʻlishi rejalashtirilmoqda”, - dedi u.
U respublika aholisi isteʼmoli va boshqa ehtiyojlari uchun 5,5 million tonna don yetarli boʻlishini qayd etdi. Yana 2 million tonna ortiq don yetishtirish chorva, parranda, baliqni ham oziqlantirishga va bu don orqali boshqa sohalarning rivojlanishiga olib keladi.
Donni qabul qilish va omborlardan chiqarish boʻyicha axborot tizim ishga tushadi
Eslatib oʻtamiz, avvalroq Oʻzbekistonda 1 iyundan boshlab gʻallani davlat tomonidan sotib olish va sotishda bozor narxlariga oʻtilishi xabar qilingan edi.
Yangiliklar lentasi
0