Siyosat

Aripov Tojikiston bosh vaziri bilan Emomali Rahmon tashrifini muhokama qildi

© Press-slujba predsedatelya Sogdiyskoy oblasti TadjikistanaAbdulla Aripov provel peregovorы s premyer-ministrom Tadjikistana Koxirom Rasulzoda.
Abdulla Aripov provel peregovorы s premyer-ministrom Tadjikistana Koxirom Rasulzoda.  - Sputnik Oʻzbekiston, 1920, 31.05.2022
Obuna boʻlish
Yandex newsTelegram
Tojikiston Oʻzbekistonning muhim savdo hamkorlaridan biri hisoblanadi. Keyingi 5 yilda mamlakatlar oʻrtasidagi tovar ayirboshlash hajmi 2,5 barobardan oshdi.
TOSHKENT, 31 may — Sputnik. Kecha Dushanbe shahrida Savdo-iqtisodiy hamkorlik boʻyicha Oʻzbekiston – Tojikiston Hukumatlararo komissiyasining navbatdagi majlisi, Toshkentda esa ikki davlat tadbirkorlarining “V2V” shaklidagi muzokaralari boʻlib oʻtdi. Bu haqda “Dunyo” axborot agentligi xabar berdi.

Oʻzbekiston bosh vaziri Abdulla Aripov va Tojikiston bosh vaziri Qohir Rasulzoda ishtirok etgan uchrashuvda, Tojikiston prezidentining Oʻzbekistonga boʻlajak rasmiy tashrifi ham muhokama qilindi. Xususan, ushbu tashrif kun tartibini aniq amaliy mazmun bilan toʻldirish, rejalashtirilgan barcha tadbirlarni yuqori saviyada amalga oshirish masalalariga alohida eʼtibor qaratildi, - deyilgan xabarda.

Shuningdek, uchrashuv davomida savdo-iqtisodiy, transport-kommunikatsiya, energetika, madaniy-gumanitar, qishloq va suv xoʻjaligi sohalarida hamda hududlararo hamkorlikning bugungi holati va istiqbollari muhokama qilindi.
Tojikiston Oʻzbekistonning muhim savdo hamkorlaridan biri hisoblanadi. Keyingi 5 yilda mamlakatlar oʻrtasidagi tovar ayirboshlash hajmi 2,5 barobardan oshdi. Joriy yilning oʻtgan davrida 35 foizga oshib, 180 million dollardan ziyodni tashkil etdi.
Davlat rahbarlari tomonidan Hukumatlar oldiga oʻzaro tovar ayirboshlash hajmini 1 milliard dollarga yetkazish vazifasi qoʻyilgan. Buning uchun barcha imkoniyatlar, foydalanilmagan ulkan zaxiralar mavjud.
Uchrashuv yakunida Savdo-iqtisodiy hamkorlik boʻyicha Oʻzbekiston – Tojikiston Hukumatlararo komissiyasining 9-majlisi bayoni imzolandi.
Eslatib oʻtamiz, kecha Toshkentda Oʻzbekiston-Tojikiston ishbilarmonlar Kengashining 5-yigʻilishi va ikki davlat tadbirkorlarining “V2V” shaklidagi muzokaralari boʻlib oʻtdi. “V2V” shaklidagi muzokaralarda Oʻzbekiston ishbilarmon doiralarining 400 dan ortiq va Tojikistonning 150 ga yaqin vakili ishtirok etgan edi.
Yangiliklar lentasi
0