Jamiyat

Eng koʻp daromad koʻrgan oliygoh maʼlum qilindi

© Unsplash / Changbok KoPustaya auditoriya
Pustaya auditoriya - Sputnik Oʻzbekiston, 1920, 31.05.2022
Obuna boʻlish
Yandex newsTelegram
Toshkent davlat pedagogika universiteti byudjet va toʻlov-kontraktidan eng koʻp daromad koʻrgan.
TOSHKENT, 31 may — Sputnik. Nizomiy nomidagi Toshkent davlat pedagogika universiteti eng koʻp daromad koʻrgan OTM boʻldi. Uning oʻtgan yilgi daromadi qariyb 400 mlrd soʻmni tashkil etdi. Bu haqda Korruptsiyaga qarshi kurashish agentligi xabar berdi.
Agentlik respublikadagi 62 ta davlat OTMning oʻtgan yilgi daromadi va xarajatlari toʻgʻrisidagi maʼlumotlarni tahlil qilgan.
Unga koʻra, eng koʻp daromadlar Toshkentda joylashgan universitetlarda shakllantirilgan.
OTMlarning qisqa roʻyxati:
Nizomiy nomidagi Toshkent davlat pedagogika universiteti – 399 mlrd soʻm;
Mirzo Ulugʻbek nomidagi Oʻzbekiston Milliy universiteti – 320 mlrd soʻm;
Islom Karimov nomidagi Toshkent davlat texnika universiteti – 276 mlrd soʻm;
Toshkent davlat iqtisodiyot universiteti – 237 mlrd soʻm;
Oʻzbekiston davlat jahon tillari universiteti – 210 mlrd soʻm.
“OTMlarning daromadlari byudjetdan moliyalashtirilgan mablagʻlar, toʻlov-kontrakt asosida oʻqitish uchun tushgan tushumlar, rivojlantirish mablagʻlari boʻyicha daromadlar hisobidan shakllantiriladi”, - deyiladi xabarda.
Taʼlim dargohlarining daromadlari va xarajatlari toʻgʻrisidagi maʼlumotlar Oliy va oʻrta maxsus taʼlim vazirligi tomonidan rasmiy veb-sayt hamda Ochiq maʼlumotlar portaliga joylanib, har chorakda yangilab boriladi.
Maʼlumot uchun, bugungi kunda respublika boʻyicha oliy taʼlim muassasalari soni jami 161 taga teng.
Yangiliklar lentasi
0