Iqtisod

Parrandachilik xoʻjaliklariga kredit ajratiladi

© Sputnik / Aleksandr Kondratyuk / Fotobankka oʻtishPtintsы v tsexe vыraщivaniya
Ptintsы v tsexe vыraщivaniya - Sputnik Oʻzbekiston, 1920, 31.05.2022
Obuna boʻlish
Yandex newsTelegram
Tadbirkorlik faoliyatini qoʻllab-quvvatlash davlat jamgʻarmasi orqali kredit garovining 50 foiziga kafillik beriladi.
TOSHKENT, 31 may — Sputnik. 1 iyundan boshlab parrandachilik xoʻjaliklariga bugʻdoy sotib olish uchun 400 milliard soʻm “revolver” kredit ajratiladi. Bu haqda prezident Shavkat Mirziyoyev raisligida oʻtgan aholini oziq-ovqat mahsulotlari bilan uzluksiz taʼminlash chora-tadbirlariga bagʻishlangan yigʻilishda maʼlum qilindi.
Yigʻilishda dunyoda oziq-ovqat bilan bogʻliq cheklovlar va narxlarning oʻsishi kun sayin kuchayayotgani taʼkidlandi. Jahon bozorlarida bugʻdoy narxi 50 foizga, oʻsimlik yogʻi 33 foizga, shakar 14 foizga, neft 47 foizga oshdi. Bu mamlakatdagi narx-navoga ham taʼsir koʻrsatayapti.
Shu bois yigʻilishda asosiy turdagi oziq-ovqat mahsulotlarini koʻpaytirish, jumladan, parrandachilik va chorvachilikni qoʻllab-quvvatlash masalalari muhokama etildi.
Taʼkidlanishicha, arzon, toʻyimli va tez yetishtiriladigan mahsulotlar bu parranda goʻshti va tuxumdir. Lekin, koʻp viloyatlarda parranda goʻshti aholi talabiga yarasha yetishtirilmayapti. Bu yoʻnalishdagi 50 dan ziyod yirik korxona yarim quvvatda ishlamoqda. Ularni ozuqa, jumladan, bugʻdoy bilan taʼminlashda qiyinchiliklar mavjud.
Bu masalani hal etish uchun aniq chora-tadbirlar belgilandi.
Xususan, 1 iyundan boshlab parrandachilik xoʻjaliklariga bugʻdoy sotib olish uchun 400 milliard soʻm “revolver” kredit ajratiladi. Tadbirkorlik faoliyatini qoʻllab-quvvatlash davlat jamgʻarmasi orqali kredit garovining 50 foiziga kafillik beriladi va 17 foizidan oshgan qismi kompensatsiya qilinadi.
Shuningdek, parrandachilik xoʻjaliklariga aylanma mablagʻ uchun beriladigan kredit muddatini uzaytirish taklifi bildirildi.
Parranda mahsulotlari bozorini tahlil qilish va loyihalarni toʻgʻri joylashtirish, ishlab chiqarishdan sotishgacha boʻlgan barcha jarayonlarni raqamlashtirish boʻyicha topshiriqlar berildi.
Parranda goʻshti ishlab chiqaruvchilariga qoʻshimcha subsidiya beriladi
Yigʻilishda xonaki tovuqlarni kooperatsiya asosida boqish tajribasini kengaytirib, parrandachilik xoʻjaliklarini muayyan mahallalarga biriktirish, aholiga parrandachilik boʻyicha oʻquvlar tashkil etish zarurligi taʼkidlandi.
Bunday xoʻjaliklarga har bir mahalla uchun oilaviy tadbirkorlik dasturlari asosida 200 million soʻmdan imtiyozli kreditlar ajratiladi. Ular bu mablagʻ hisobidan aholini joʻjalar va ozuqa bilan taʼminlaydi.
Yangiliklar lentasi
0