Jamiyat

Andijon davlat chet tillari instituti tashkil etildi

© Sputnik / Aleksey Malgavko / Fotobankka oʻtishStudentы na lektsii
Studentы na lektsii - Sputnik Oʻzbekiston, 1920, 01.06.2022
Obuna boʻlish
Yandex newsTelegram
Oʻquv jarayoni 2022/2023-oʻquv yilidan boshlanadi hamda talabalarga ikkita xorijiy til boʻyicha kvalifikatsiya beriladi.
TOSHKENT, 1 iyun — Sputnik. Andijon shahrida Andijon davlat chet tillari instituti faoliyati yoʻlga qoʻyildi. Prezident Shavkat Mirziyoyev tegishli qarorni imzoladi.
Institutda oʻquv jarayoni 2022/2023-oʻquv yilidan boshlanadi hamda talabalarga ikkita xorijiy til boʻyicha kvalifikatsiya beriladi.
Bakalavriat taʼlim yoʻnalishlariga 2023/2024-oʻquv yilidan boshlab kirish imtihonlarida fanlar majmuasidagi chet tili fanidan 4 ta koʻnikmani (tinglab tushunish, oʻqish, yozish va gapirish) baholashga qaratilgan kasbiy (ijodiy) imtihon oʻtkaziladi.
Bunda:
chet tilini bilish darajasi B2 va undan yuqori milliy yoki unga tenglashtirilgan xalqaro tan olingan sertifikatga ega boʻlgan abituriyentlarga imtihonsiz maksimal ball beriladi;
chet tili fanidan kasbiy (ijodiy) kirish imtihonlari Davlat test markazi tomonidan amalga oshiriladi.
Magistraturaga kirishda C1 darajadagi milliy yoki unga tenglashtirilgan xalqaro tan olingan sertifikat va bakalavriat diplom balining oʻrtacha koʻrsatkichi inobatga olinadi hamda qoʻshimcha imtihonlar oʻtkazilmaydi.
C1 darajasidan kam boʻlmagan milliy yoki unga tenglashtirilgan xalqaro tan olingan sertifikatga ega oʻqituvchilarga har oylik 50 foiz miqdorida qoʻshimcha ustama haqi toʻlab boriladi.
Oʻquv jarayoniga malakali xorijiy mutaxassislar jalb qilinadi.
Talabalar amaliyot oʻtashi uchun ularni hududdagi korxonalar, turizm va madaniy meros obʼyektlari, taʼlim va boshqa tashkilotlarga biriktirish hamda yuqori kurs talabalarini ish haqi toʻlanadigan tizim orqali band qilish choralari koʻriladi.
Yangiliklar lentasi
0