Samarqanddagi to‘yda ommaviy zaharlanish sodir bo‘ldi

© Sputnik / Ramiz BaxtiyarovMashina skoroy pomoshi
Mashina skoroy pomoshi - Sputnik O‘zbekiston, 1920, 01.06.2022
Obuna bo‘lish
Jomboy tumanidagi to‘yga borgan 19 kishi ommaviy zaharlangan. Shulardan 5 nafari tibbiyot birlashmasida davolanmoqda.
TOShKENT, 1-iyun — Sputnik. Samarqand viloyatida to‘yda ovqatdan zaharlangan fuqarolar yuzasidan rasmiy ma’lumot berildi.
Viloyat IIB axborot xizmati rahbari Jahongir Sagdullayevning ma’lum qilishicha, Jomboy tumanida yashovchi 19 fuqaro tibbiyot birlashmalariga to‘y bazmida ovqatdan zaharlanganliklarini aytib murojaat qilishgan.
“Shulardan 14 nafari sog‘ligining holati qoniqarli ekanligi sababli ambulator sharoitda davolanishga yuborilgan. 5 nafari tibbiyot birlashmasida davolanmoqda”, - deyilgan xabarda.
Holat yuzasidan tergovga qadar tekshiruv harakatlari olib borilmoqda.
Viloyat IIB 200 nafargacha kishi zaharlangani haqida xabar qilgan ayrim telekanallarning ma’lumotlarini rad etgan. Bu xabarlar yuzasidan ham tekshiruv tayinlangan.
Toshkent viloyatida qariyb 50 kishi muzqaymoqdan zaharlandi
Yangiliklar lentasi
0