Jamiyat

Toshkentda qolipli non narxi oshdi

© Sputnik / Vitaliy TimkivXleb
Xleb - Sputnik Oʻzbekiston, 1920, 01.06.2022
Obuna boʻlish
Yandex newsTelegram
Bugundan boshlab Toshkent doʻkonlarida buxanka nonning narxi 2 800 soʻmni tashkil etmoqda.
TOSHKENT, 1 iyun — Sputnik. Bugundan boshlab uning narxi 2 800 soʻmni tashkil etmoqda, deb xabar berdi Sputnik muxbiri.
Narx koʻtarilgunga qadar mahalliy bugʻdoy navidan tayyorlangan boʻlka non 1600 soʻm edi.
Bundan avvalroq Moliya vazirligi boshqarma boshligʻi Toʻlqin Mirzayev Oʻzbekistonda un narxi yuzasidan izoh bergandi.
Uning aytishicha, hozir bozorlarda un narxining koʻtarilishi vaqtinchalik hodisa.
Ukrainadagi vaziyat tufayli jahon bozoridagi holat va buning oqibatida import qilinadigan un narxining qimmatligi narxlarning oshishiga sabab boʻldi.
Ayni paytda respublikaning oʻz zaxiralari yetarli va yaqin kunlarda bozorda qoʻshimcha 50 ming tonna mahalliy un paydo boʻladi. Bu chora narxlarni barqarorlashtirishga yordam beradi, dedi Mirzayev.
Moliya vazirligi vakili qolipli non narxining oʻzgarishi kutilayotganini aytgandi.
"Un narxini erkinlashtirish raqobat muhitini yaratadi. Narxlar koʻtarilmaydi, faqat Toshkent shahrida buxanka non narxining oʻzgarishi kutilmoqda. Bozorlarda esa aksincha, narxlarning pasayishi prognoz qilinmoqda”, - dedi u.
Yangiliklar lentasi
0